元朗老馮茶居開車仔麵店 三餸實惠價 $45!必食失傳經典車仔餸古法柚皮

發佈: 2024.04.19
文: U Magazine

住元朗的街坊一定會認識人氣茶樓老馮茶居,由前鳳城酒家大廚主理,最近舖頭原班人馬於元朗西菁街開車仔麵店,裝修貫徹懷舊風格,價錢親民,兩餸麵 $36、三餸麵 $45,都算佛心價。提供3款秘製醬汁,包括牛腩汁、麻辣汁和咖喱汁,配料更超過 30 款,另外還有供應懷舊小食,好像 XO醬蘿蔔糕、煎釀四寶、炸韭菜餃等,元朗街坊好有口福!

text Sakura hoto Kei

餐廳貫徹懷舊風格,以舊式士多、雜貨店、公屋做主題,加上舊式茶樓枱凳,裝修好有心思。用餐區設計成屋邨走廊,盞鬼過癮,打卡十足!

名廚出品,車仔麵餸都特別有心思,最花工夫是供應幾近失傳的車仔餸古法柚皮。師傅將乾柚皮每日浸水再連續壓乾、持續 5 日,再用上湯、蠔油、自家柱侯醬、自家醬油、蝦米燉 1.5 小時,柚皮柔軟入味,吸滿湯汁,才賣十多元的柚皮都肯花足 5、6 天做,係有心小店先有這種誠意。

車仔麵點少得好評多多的秘製牛腩,牛腩以蒜、薑、紅葱、花雕酒、自家柱侯醬、八角等炒香,再加高湯燜煮1小時,牛腩爽嫩,充滿肉香。食得辣的,推介秘製麻辣羊腩和秘製麻辣豬手,均用上自家麻辣醬、南乳醬、蒜、薑等製成,辣度不嗆喉,香味更勝一籌。

兩餸麵 $36、三餸麵 $45
推介麻辣豬手、麻辣羊腩、紅腸配自家秘製麻辣汁,麻辣汁以花椒、指天椒、大蒜、生薑、豆豉、冰糖炒香製成,香辣帶麻,豬手皮爽肉滑、羊腩肉嫩入味。

麻辣羊腩
用上蒜、薑、紅葱、花雕酒炒香,再加南乳醬、自家醬油、自家麻辣醬、高湯煮 1 小時,嫩滑帶羶香味。

麻辣豬手
以蒜、薑、紅葱、南乳醬、蠔油、自家麻辣醬加高湯慢火煮 50 分鐘,皮爽富膠質,肉嫩入味。

古法柚皮、咖喱魚蛋
咖喱口味也是出色,咖喱汁用超過20種香料烹煮,包括咖喱粉、花椒粉、蝦米、芫茜、指天椒、八角、香茅煮,味道濃稠,富香料味。

牛腩汁鹹香惹味,帶牛肉的鮮味,配上秘滷雞翼、秘製牛腩、金錢肚,惹味非常。

秘製牛腩
以蒜、薑、紅葱、花雕酒、自家柱侯醬、八角等炒香,再加高湯燜煮 1 小時,爽嫩不嚡口,牛肉味濃郁。

韭菜豬紅$28、招牌炸韭菜餃 $33 左起
豬紅爽滑,韭菜惹味爽脆;韭菜餃金黃大隻,內餡足料,充滿韭菜香。

【info】
老馮麵檔
地址:元朗西菁街 9 號富盛大廈地下 5 號舖
電話:2886 2566
營業時間:11am - 10pm

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more