又有日本過江龍來香港開店！咖喱飯專門店 Caligari 被選為日本美食餐廳指南 Tabelog 百名店之一，餐廳亦曾於著名「神田咖哩大獎賽」獲得冠軍，大有來頭，不久前登陸中環。
text│Kathryn
一如日本不少專門店，食物貴精不貴多，店內只提供 Caligari椰汁咖喱以及特級香料咖喱 2 款咖喱飯選擇。當中來店必食的 Caligari 椰汁咖喱將，雞肉、豬肉以高溫高壓熬煮 8 至 12 小時，肉質軟嫩且帶點彈牙口感。咖喱香甜帶椰香，不吃辣的都吃得到。
鍾意咖喱有香料風味，可選特級香料咖喱，加入茴香、香菜、小荳蔻、丁香和肉桂等多款香料煮成，香濃偏辣，味道多層次。 如果揀唔到要邊款咖喱，這裏有款「秋業原定番」咖喱飯可選，一碟有齊咖喱兩味，第一次嚟不妨試試。
知道香港人喜愛餐點多選擇，所以香港店都加入多款配料，咖喱飯可跟配不同套餐，包括以鹿兒島南國元氣雞製成的龍田揚炸雞，吉列豬扒、炸蝦、和牛可樂餅，和鵪鶉蛋等，配料豐富又能突出咖喱香氣，鍾意食日式咖喱的話要試！
龍田揚炸雞配日本米飯 $158
龍田揚炸雞配上特級香料咖喱及黃咖喱飯，咖喱香料味濃，味道偏辣。炸雞用鹿兒島元氣雞醃製 ，味道不會太濃，能突出咖喱的香味。
秋業原定番 $188
雙色咖喱飯，可以一次試晒兩款咖喱，混合後 creamy 得來帶點香辣味，配以龍田揚炸雞、芝士、鵪鶉蛋、薯角、茄子及日本米飯。
竹莢魚 加 $38、八爪魚 加 $38
咖喱飯可加配不同的日式配料，包括竹莢魚、八爪魚、蟹肉忌廉可樂餅及芝士等。
吉列豬扒配日本米飯 $138
吉列豬扒香脆嫩滑，椰汁咖喱香甜帶椰香。
吉列炸蝦配日本米飯 $158
香料咖喱中有雞肉，口感軟嫩；吉列炸蝦外脆內彈牙。
【info】
Caligari 香港店
地址：中環皇后大道中 30 號娛樂行 2 樓 F 號舖
電話：從缺
營業時間︰星期一至日 11:30am - 9:30pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
