母親節 10 大 BUFFET 精選 The Market 阿拉斯加帝皇蟹宴 / The Promenade 7 折櫻花美饌

發佈: 2024.04.29
文: U Magazine

慶祝母親節,去酒店食 buffet 係指定動作啦!今年各大酒店的 buffet 都幾精彩喎!有平又有高級嘅,又有唔同主題,好似都幾好揀!編輯部就熱選 10 大焦點母親節自助餐,無論任何 style、任何 budget 安排的家庭,都應該會揀到。

text│sieg

【馬哥孛羅咖啡廳│送花膠扒鮑魚 + 早鳥優惠】

母親節自助晚餐 成人 $708 位、長者 $648 位 位、小童 $448(5 月 8 日或之前預訂優惠低至 6 折)
母親節那個周末 5 月 11 及 12 日的午市及晚市自助餐都有細心安排,晚市以亞洲風味為主題,供應中、日、韓及東南亞美食,極為豐富。每位媽媽更可免費獲贈一份花膠扒鮑魚。

母親節自助晚餐 成人 $458 位、長者 $408 位 位、小童 $308(5 月 8 日或之前預訂優惠低至 6 折)
午市則加碼多款港式烹調的龍蝦伊麵做主題,款式名貴,長輩一定喜歡,每位媽媽更可免費獲贈桃膠燉燕窩一客。

助餐會為每位媽媽送上矜貴美食,午市自助餐送桃膠燉燕窩,晚市則送花膠扒鮑魚。

info
地址:尖沙咀海港城馬哥孛羅香港酒店 1 樓
電話:2113 3912
供應日期:2024 年 5 月 11 及 12 日
備註:1. 可於 https://store-hongkong.marcopolohotels.com/tc/cafe-marco-dining-voucher/?utm_source=media&utm_medium=referral&utm_campaign=mothers-day 訂購,5 月 8 日前預訂更設早鳥優惠
2. 設加一

【The Lounge│5 月 11 日 $278 起歎 JW 自助午餐】

想慳錢、唔介意可以早一天慶祝,因為 JW 萬豪酒店 The Lounge 自早前推出新概念自助午餐,自助餐分成「沙律吧或即煮湯麵檔」($278 位)、「上海主題美食區」($298 位)及「上海主題美食區、沙律吧、即煮湯麵檔及甜品區」($408 位)起 3 個組合選項,食量及 budget 多少由你話事。

5 月以上海美饌為主題,前菜好豐盛,有酒糟毛豆、醉雞翼、家鄉燻魚、四喜烤麩以及上海酸辣湯,熱盤最受歡迎一定小籠包和香煎鍋貼,大家亦可享用油燜筍、葱油烤豬扒、油爆蝦、銀芽炒蛤蜊,還有主食上海鹹肉菜飯、上海粗炒及葱油拌麵。自助午餐還設有提供超過 60 款新鮮蔬菜、水果等的沙律吧以及即煮麵檔,另有自助精緻甜品,食全餐的話 $408 就得。

要留意的是這個自助餐只於星期一至六供應,母親節正日當日沒有供應,但母親節前一天 5 月 11 日可以選擇,想平少少食 JW 自助餐,唔好介意早一天慶祝。

info
地址:金鐘金鐘道 88 號太古廣場香港 JW 萬豪酒店大堂
電話:2810 8366
供應日期:2024 年 5 月 1 至 31 日 12nn - 2:30pm,逢星期一至六
備註:1. 可於 https://jwmarriotthkoffers.com/zh/The-Lounge-May-Shanghai-Lunch-Buffet-2024?utm_source=other&utm_campaign=jwmarriotthkeshop&utm_medium=media 訂購
2. 設加一

【Café Circles│勁抵!早鳥 7 折】

自助午餐 $568、$588 位、午後自助餐 $508、$528 位、自助晚餐 $788、$808 位(5 月 4 日前預訂可享 7 折)
母親節全日自助餐食物都加碼,包括即燒專區、刺身壽司、星洲叻沙湯麵檔等開放式廚房,當然少不了凍蝦、麵包蟹、蟹腳、小龍蝦、翡翠螺及藍青口等輪流供應的凍鎮海鮮,款式多多。

母親節自助晚餐也特別多矜貴美食,包括藍鰭吞拿魚腩刺身、迷你刺身飯、蠔皇扣鵝掌花膠煲、薑葱龍蝦、星洲炒蟹等。

甜品也不講得笑,賣相非常漂亮,款式有特色,包括:柚子朱古力巴伐利亞、士多啤梨朱古力玫瑰乳酪慕絲及日本紫薯麻糬慕絲蛋糕等。

info
地址:荃灣楊屋道 8 號荃灣西如心酒店 9 樓
電話:2280 2868、5970 0551(WhatsApp)
供應時間:2024 年 5 月 4、5、11 及 12 日
備註:1. 可於 https://ninaboutique.com 訂購,5 月 4 日前預訂可享 7 折早鳥優惠
2. 設加一

-------------------------------------------

【The Promenade│7 折櫻花主題美饌】

母親節櫻花海鮮自助午餐 $538、$568 位、母親節 「櫻之慶典」 自助晚餐 $748、$768 位(於 eshop 訂購享 7 折)

為了回饋偉大嘅媽媽,以櫻花為主題的母親節自助餐矜貴加碼,好像櫻花粉汁煮鮮鮑仔、西京櫻花燒銀鱈魚、汁煮和牛牛舌、紅燒花膠、櫻花玉子燒,甜品亦以櫻花入饌,包括櫻花乳酪蛋糕、士多啤梨麻糬櫻花戚風蛋糕、芒果拿破崙及 Mövenpick 雪糕等。

薑葱炒鮮龍蝦是當日矜貴美食嘅焦點。當然少不了無限量供應的凍海鮮及刺身。

info
地址:黃埔花園德豐街 20 號九龍海逸君綽酒店大堂
電話:2996 8432
供應日期:2024 年 5 月 11 至 12 日
備註:1. 可於 https://eshop.harbourgrand.com/kowloon/zh/festive-offer 訂購
2. 設加一

【The Market│阿拉斯加帝皇蟹宴】

母親節自助早午餐 成人 $738、小童 $498,母親節自助早午餐 成人 $938、小童 $648 
這店自助餐一向高質無得輸,母親節當日好吸引,是高級的阿拉斯加皇帝蟹主題,菜式超過 10 款,包括鹽燒阿拉斯加蟹腳、泰式阿拉斯加蟹腳粉絲、阿拉斯加蟹芝士伊麵、新加坡辣椒醬炒阿拉斯加蟹腳和甜米酒蒸煮阿拉斯加蟹腳輪流供應。5 月 11 及 12 日晚市光顧,更有無限供應海參扒菜。

恒常美食有刺身、壽司、冰凍海鮮、冷盤、北京烤鴨卷、海南雞飯、燉湯、印度咖喱以及 GODIVA雪糕。每位食客惠顧周末自助午餐或晚餐均可享桃膠燕窩北海道牛奶布甸一客。

餐廳的榴槤極為馳名,鍾意吃榴槤的媽媽發達了,包括迷你 D24 榴槤芝士撻、自家製榴槤雪糕以及榴槤麻糬葡撻等。

info
地址:尖沙咀科學館道 17 號唯港薈 2 樓
電話:3400 1308
供應日期及時間:2024 年 5 月 11 及 12 日 11:45am - 2:30pm、6pm - 10pm
備註:1. 可於 https://dining.hotel-icon.com/en/reservation/?rid=109 預訂
2. 設加一

【尚廚│75 折鮮自助晚餐】

自助晚餐 星期一至四 成人 $598 位、長者 $518、小童 $418(網上商店預付 75 折),星期五至日、公眾假期及前夕 成人 $638 、長者 $558 位、小童$ 458 位(網上商店預付 8 折)

吃自助餐最重視當然是海鮮,母親節自助餐就以港人喜歡的為主題,包括即開生蠔、松葉蟹腳、青口、黃金螺、白蜆、凍蝦,芝士焗龍蝦

其他美食有羊扒、燒紐西蘭草飼肉眼牛扒、燒豬鞍、海鮮釀蟹蓋、爆爆醬煎大蝦、花膠鮑魚蟹肉茶碗蒸、麵包蟹*、扇貝*、帶子刺身*及阿根廷天使粉紅蝦刺身。甜品有黑森林蛋糕、紅豆菠蘿泡芙、港式奶茶蛋糕卷、Haagen-Dazs 雪糕及草莓朱古力噴泉。

凡於星期六、日及公眾假期,惠顧母親將免費獲贈鮑魚響螺燉雞湯一盅。

info
地址:將軍澳唐德街 3 號香港九龍東皇冠假日酒店 1 樓
電話:3983 0618
供應日期及時間:2024 年 5 月 11 及 12 日 首輪 5:30pm–7:45pm、次輪 8:15pm–10:30pm
備註:1. 可於 https://crowneplazatkoshop.com/zh/thechefstable 訂購
2. 設加一

【Alva House│加碼海陸晚餐】

悠享時光周末自助早午餐 星期六、日及公眾假期 $558、$588、$658 位起、海陸交饗曲海鮮自助晚餐 5 月 11 及 12 日 $828 位 
這餐廳的自助餐一向極多好評,食客大讚多嘢食揀,食品質素又高質,今年母親節美食加碼,新增不少燕窩美食,包括花旗參燉烏雞湯、燕窩芒果拿破侖、燕窩椰汁桂花糕、燕窩桂圓冬瓜茶凍、燕窩士多啤梨忌廉卷、燕窩蛋撻、燕窩木瓜銀耳糖水等,相信都能討媽媽歡心。早午餐還包括 free flow 暢飲套餐。

母親節當日,甜品裏加了不少燕窩,名貴又養顏。

於官方網站預訂母親節自助餐,可享優惠價錢,Brunch buffet 由 $491-$579,晚餐則減至 $728.6。

info
地址:沙田源康街 1 號帝逸酒店 1 樓
電話:3653 1168、5237 7111(WhatsApp)
供應時間:自助早午餐 11:15am-4:45pm、11:15am-1:45pm、2:15pm-4:45pm;自助晚餐 5:30pm-8pm、8:30pm-11pm  
備註:1. 於 https://bit.ly/AHBuffetDeal 設有優惠價
2. 設加一

【The Place│大歎環球鮮味】

母親節味遊「鮮」境午市自助餐 成人 $588 位、長者 $438 位、小童 $388 位;自助晚餐 成人 $838 位、長者 $688 位、小童 $588 位
喺旺角食 buffet 一定最方便,推介你康得思酒店,母親節自助餐有不少特色美食,包括花之戀、龍蝦沙律酥皮盒配三文魚子(午市供應)、鵝肝慕絲酥皮盒配無花果醬(午市供應)、鮑魚燴鴨掌等。惠顧自助晚餐,每位媽媽可獲鮑魚蟲草花燉雞湯一客。

冰鎮海鮮區款式及新鮮度令人滿意,包括新鮮生蠔、鱈蟹腳、龍蝦鉗(午市供應)或原隻開邊龍蝦(晚市供應)和翡翠螺等。

info
地址:旺角上海街 555 號香港康得思酒店 L 樓
電話:3552 3200、9717 4727(WhatsApp)
供應日期:2024 年 5 月 11 及 12 日
備註:1. 可於 https://www.sevenrooms.com/reservations/theplacecordishk 訂購
2. 設加一

【8 度餐廳│母親節享 85 折】

母親節自助晚餐 成人 $718 位、$528 位、小童 $458 位
這餐廳一向以性價比取勝,母親節自助餐供應每日 2 款空運到港的法國、美國或愛爾蘭即開新鮮生蠔,還有鱈場蟹腳、海蝦及海螺等冰鎮海鮮,刺身及壽司區供應即切三文魚、鯛魚、阿根廷紅蝦等。自助餐更不乏即製專櫃,供應即叫即製煎鵝肝伴黑松露汁、脆皮乳鴿及鮮製的佛跳牆。e-shop 購買享 85 折。最開心是酒店把長者的年齡降至 60 歲,帶多幾位中高齡長輩來慶祝母親節都唔怕肉赤。

也供應不少全新菜式,焦點有麻辣鮑魚雞煲、麻辣小龍蝦、蒜蓉扒大蝦、避風塘椒鹽荷蘭比目魚、清蒸大海斑、德國鹹豬手及酸菜魚等。甜品亮點有麻糬忌廉蛋糕及芒果拿破崙,一定要幫媽媽拎燕窩蒸蛋白,同無限任食嘅 Mövenpick 雪糕。每位媽媽可免費享精緻杯子蛋糕。

info
地址:土瓜灣九龍城道 199 號地下大堂
電話:2126 1960
供應日期及時間:即日至 5 月 31 日 6pm - 9pm
備註:1. 可於 http://bit.ly/3XFyn0B 預訂 
2. 設加一

-----------------------------------

【Park Café│7 折早鳥優惠】

母親節自助午餐 $318、$368 位、母親節自助晚餐 $598、$638 位(預付 $100 訂金,5 月 1 日前預訂可享最低 7 折,5 月 9 日前低至 75 折)
今年的母親節自助餐陣容吸引,數數矜貴菜式,包括黑松露帶子蘆筍酥盒、金蠔扒雜菇、酥皮焗海龍皇湯、淮山杞子圓肉鮑魚燉雞湯、鮑魚花膠啫啫雞煲、黑松露剁椒香蒜燒生蠔和三重芝士龍蝦伊麵等,好吸引!每位付費客人另可獲贈芝士焗龍蝦一客。

黑松露剁椒香蒜燒生蠔
供應鱈場蟹腳、麵包蟹、翡翠海螺、海蝦及白蜆等冰鎮海鮮、多款即切三文魚、劍魚腩、希靈魚、鯛魚、天使紅蝦和帝皇蟹柳刺身和壽司卷物。自助餐還供應多款以水果和茗茶入饌的菜式,如普洱茶燉排骨、樟茶鴨胸等。

三重芝士龍蝦伊麵
母親節也供應桃膠燕窩燉雪蛤膏、即焗燕窩葡撻、即製混醬雞蛋仔、巴斯克芝士蛋糕、10 多款口味的 Movenpick 雪糕等,更有限時供應的焦糖泡芙雪山。

info
地址:尖沙咀漆咸道南 61 ­ 65 號香港百樂酒店
電話:2731 2168、6588 0682(WhatsApp)
供應日期:2024 年 5 月 11 及 12 日
備註:1. 可於 bit.ly/4aSRlaw(母親節自助午餐/午後自助餐)或 bit.ly/49TzijL(母親節自助晚餐)預訂
2. 設加一

【沙田凱悅咖啡廳│任吃砂窩鮑魚花膠 + 炭烤斧頭牛扒及火焰龍蝦】

母親節自助午餐 $540 位、母親節自助晚餐 $740 位
這餐廳的自助餐一向以高質又豐富而馳名,4 個開放式廚房更是 buffet 的焦點,母親節一樣以即席烹調的美食贏取媽媽嘅歡心。

來吃自助餐,記得帶媽媽吃多幾轉即場炭烤斧頭牛扒及火焰芝士龍蝦,矜貴又有熱辣香口;也不要忘記砂窩鮑魚、厚滑花膠及即切西班牙火腿、凍龍蝦、長蟹腳、大蝦、帶子等凍海鮮是任食的。

4 大開放式廚房包括中國廚房,提供香港地道鑊炒美食、燉湯、燒味及湯麵;還有凍廚房供應冰鎮海鮮、刺身及沙律;西式廚房有即場烤焗薄餅、意大利麵及烤肉;甜品廚房最令人興奮,有 10 多款,牛角包麵包布甸、激長拿破崙蛋糕及即烤窩夫,樣樣都令人不能抗拒。

info
地址:沙田澤祥街18號香港沙田凱悅酒店大堂層
電話:3723 7952
供應時間:5 月 12 日 12:30pm-2:30pm、5:30pm-10pm
備註:1. 可於 http://bit.ly/3K0AlE1 訂座
2. 每位惠顧自助餐的母親可獲康乃馨一枝  

3. 設加一

 

 

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more