大角咀新開港式特色茶飲店!正宗港式奶茶/手打凍檸茶/阿華田沙冰/首創厚燒蛋糕

發佈: 2024.05.10
文: 莫甄兒

台式手搖店、手打檸檬茶開到成行成市,但鍾情港式茶飲嘅朋友就一定要試試大角咀全新小店「鳩沖」!「鳩沖」以傳統港式茶飲為基底,大家可以試到正宗港式奶茶、凍檸茶、鴛鴦、好立克、阿華田、紅豆冰等選擇,另外亦加入創意打造出多種搭配,記得加配首創厚燒蛋糕,香甜Creamy!

同場加映:【簡易廚房】最新影片

Click圖睇Menu:

「鳩沖」店面充滿懷舊復古風格,貼上大量港產片海報以及地鐵站牌,夠曬打卡able。「鳩沖」由店主三叔公及女朋友主理,由裝修、設計到拉茶兩個人親力親為,用一年時間嘗試創業,亦希望傳達及保留更多香港特色,大家經過不妨多多支持小店!

首推厚燒蛋糕港式奶茶($36),茶底香濃回甘帶些許澀味,搭配香甜厚燒蛋糕醬好Match!楊枝甘露($34)配上厚燒蛋糕醬也別具風味,喜歡甜食的朋友可以試試~

三叔公手打港式凍檸茶($25)其實就是由店主幫大家篤爆檸檬,釋放酸味,喜歡自己篤檸檬的朋友可以揀港式檸茶($25)。懷舊珍珍紅豆冰($32)有齊珍珠及粒粒紅豆,椰奶味清香。

珍珍阿華田沙冰($38)頗有驚喜,不會太甜又好消暑,夏天飲返杯啱曬!

選擇困難症人士可以選擇三叔公發辦($39),是日鳩沖有玫瑰泰奶搭配各種配料,粉紅賣相好呃like~

食物方面有兩餸飛碟($32),可以選擇鹹牛肉、吞拿魚、粟米、芝士、炒蛋或火腿。

 

鳩沖

地址: 大角咀晏架街4號麗華中心地下3B號舖

營業時間:星期一至六12pm-9pm

Instagram:ninetomakehk

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more