一眾抹茶控又有覓食好消息啦!位於觀塘Cafe的嚐品慕茶於4月至6月期間,與有140年歷史的日本老字號茶行「丸安茶葉」合作,推出抹茶為主題的和風下午茶,共有10款鹹甜點,當中有非常吸晴的富士山抹茶蛋糕、蜂蜜岩燒抹茶蛋糕,以及像真度極高的素炸雞槌。Cafe有成3000呎,各位抹茶控快來渡過一個休閒的下午吧!
富士山抹茶蛋糕:造型像一個小富士山,蛋糕由丸安抹茶粉、忌廉芝士等製成。帶有濃濃的芝士味,口感幼滑。
日本直送三色白玉,配上微甜的黑糖汁,煙韌有咬勁。
自家製抹茶手工雪糕,抹茶雪糕甘香,甜度適中。
蜂蜜岩燒抹茶蛋糕,海綿蛋糕鬆軟濕潤。
牛乳抹茶紅豆雙色奶凍,選用北海道3.6牛乳製成布甸,奶味濃郁,入口軟綿細滑。上層是抹茶口味,面層加上日本紅豆,甜而不膩。
另外有5款精緻鹹點
素炸雞槌配抹茶芝士醬,這道素雞槌有驚喜﹗不但外觀、味道、質感都極度逼真。店主以腐皮逐層捲成雞槌形狀,再以日式吉列方法沾粉炸成金黃酥脆的炸雞槌。外皮香脆,內裡軟滑。
日式照燒牛肉滑蛋三文治
抹茶冷麵
下午茶包抹茶、焙茶或玄米抹茶Latte
亦可另加$30歎日式芭菲特飲,自選焙茶、抹茶或玄米抹茶味手工雪糕。上層是馬卡龍、白玉、海綿蛋糕、抹茶蕨餅及即製法式可麗餅,而下層以玉米片、忌廉等,口感層次十足。
抹茶和風下午茶
價錢:HK$258/兩位(另加一服務費)
供應日期:2018年4月9日至6月30日下午3時至6時
地址: 觀塘偉業街89號昌興工業大廈M字樓
查詢電話:3421 1944
營業時間:星期一至五 上午09:00-晚上10:00;星期六 中午12:00-晚上10:00