國際名廚親身設計 必試「盛湯廚房」四款神級靚湯

發佈: 2018.05.17
文: 肥貓

今次介紹嘅「盛湯廚房」靚湯,全部嚟自「盛湯廚房」慈善義賣活動,活動搵嚟國際名廚王凱傑(Jason)幫手,並從領展街市商戶回收嘅食物同埋其他新鮮食材,獨家設計咗四款靚湯作慈善義賣,為惜食堂籌款。「盛湯廚房」喺上星期六正式啟動,相信大家做善事一定不遺餘力,以行動支持,而Jason烹製嘅湯水連「地獄廚神」Gordon Ramsay都盛讚無可挑剔,先同大家睇吓呢四款靚湯有咩乾坤,「神級Fusion湯」有幾神級?

四款獨門靚湯  梗有一款啱你口味

今次「盛湯廚房」呢個活動,主要係希望賦予剩餘食材新意義,同時宣揚惜食文化,提倡將回收食物融入生活之中。而名廚Jason Wang就親自設計咗「神級Fusion湯」、「下火蛋花湯」、「仙氣養顏湯」同埋「佛系番茄湯」,每款都有唔同嘅功效添!

國際名廚親身設計 必試「盛湯廚房」四款神級靚湯

「神級Fusion湯」

呢款靚湯係由Jason享負盛名嘅「蛤蠣湯」變奏而成,以養胃生津嘅黃芽白、利水消腫嘅葫蘆瓜及補腦嘅冬菇熬製,用料豐富又滋味!最適合成日對住電腦坐office嘅朋友,幫你保持頭腦清醒,遇著老細突擊都冇有怕!

成份:冬菇、 植物油、蒜頭、紅露、豉油、黃芽白、葫蘆瓜、蝦米、 素菜湯及蜆

國際名廚親身設計 必試「盛湯廚房」四款神級靚湯

「下火蛋花湯」

做仔女嘅,有冇成日激親阿爸阿媽呢?買返碗「下火蛋花湯」俾佢地順返條氣。呢款靚湯以營養豐富嘅菠菜與豆腐熬製,可以清熱除煩、調理下氣,心情好d,屋企就一團和氣。

成份:素菜湯、薑、紅露、白胡椒粉、栗粉、豆腐、雞蛋、鹽、番茄、蔥、菠菜及麻油

「仙氣養顏湯」

Keep住美顏盛世,唔少得呢款「仙氣養顏湯」。以南瓜、木瓜、紅蘿蔔熬製,具抗氧化功效,又滋陰潤肺、健脾益氣,去到邊都以高顏值示人,仙氣就係咁煉成!

成份:紅蘿蔔、南瓜、鹽、油、洋蔥、薑、植物油、鼠尾草、雞湯及木瓜

國際名廚親身設計 必試「盛湯廚房」四款神級靚湯

「佛系番茄湯」

全素嘅「佛系番茄湯」啱晒佛系嘅你,以健康嘅番茄、青瓜及紅甜椒熬製嘅素菜湯,味道清新無負擔,仲可以增強免疫力,冇咁易病。

成份:紅甜椒、番茄、甜洋蔥、青瓜、水、薑、橄欖油及鹽

國際名廚親身設計 必試「盛湯廚房」四款神級靚湯

大會即場準備咗多達8款嘅配料畀大家揀,包括芫荽、櫻花蝦乾、南瓜籽、甚至係有色爆谷或心型及星型麵包多士都有得你揀,你可以根據自己喜愛加入湯裡面,夠晒獨特,別具心思!

只要喺「盛湯廚房」捐款港幣$10或以上,就會獲得一張換領券,可以換領心水靚湯之餘,仲有個加分位,就係可以玩埋「潮拍長輩圖」,同屋企人免費影張靚相。嚟緊5月19同20號,「盛湯廚房」就會喺黃大仙中心北館舉行,仲會有藝人朋友驚喜現身,大家要約埋屋企人去飲啖湯見吓對方,既可以共享靚湯,又可以齊齊做善事呢!

國際名廚親身設計 必試「盛湯廚房」四款神級靚湯

設有捐款箱嘅「盛湯廚房」,大家只要即場捐款港幣$10或以上,就可以換領一張換領券!每張券可以換領靚湯一碗,想換多碗同屋企人齊齊享受,就要捐款多一次啦~今次捐款金額將會全數撥捐惜食堂,以支持食物援助計劃,讓社會上有需要人士共享溫暖!

國際名廚親身設計 必試「盛湯廚房」四款神級靚湯

「盛湯廚房」舉辦日期及地點
日期:5月19日及20日
營業時間︰下午1時至9時
地點︰黃大仙中心北館

5月19日 - 星級店長︰李家鼎 (下午2時至3時);周嘉洛及吳偉豪 (下午4時至5時)
5月20日 - 星級店長︰黃浩然 (下午2時至3時); 馬貫東及謝芷倫 (下午4時至5時)

 

日期:5月26日
營業時間︰下午1時至9時
地點︰鯉魚門廣場

星級店長︰李家鼎 (下午2時至3時);林淑敏及許家傑 (下午4時至5時)

 

日期:5月27日
營業時間︰上午11時至下午7時
地點︰蝴蝶街市

星級店長︰歐瑞偉及李偉健 (下午2時至3時)

 

詳情可登入http://www.linkhk.com/tc/promotion/231?ppt=1

 

以上資料由領展資產管理有限公司提供

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more