芋圓是不少人甜品控的首選,煙煙韌韌的口感實在令人食唔停口。芋圓除了配仙草外亦可配搭其他甜品,如豆腐花和窩夫,食法變化多端。自問是芋圓迷的你又有無試過以下幾款推介?
1. 芋圓糖不甩
太子有間誠意小店主打各款自家製芋圓,芋圓除了傳統的紫薯、芋頭和蕃薯口味外,還有抹茶和芝麻味,好特別。小店本來只在網上經營,現在還開設實體店,有不少街坊棒埸呢!
芋圓每日新鮮製造,天然無添加,好足料。
芋圓糖不甩 ($28 *另加$2有抹茶和芝麻味芋圓各兩粒)
芋圓煙煙韌韌,配花生椰絲食好創新。
花生椰絲都是自家炒香(單買$8),但略嫌蓋過芋圓原本的味道。
小店其他芋圓甜品同樣做得出色,小編推介!
黑糖桂圓紅棗糖水配芋圓 ($28)
芋圓Q彈軟糯有咬口。
黑糖的味道跟蕃薯、芝麻味芋圓特別夾,微甜甘香。
糖水有好多配料,如桂圓肉、雪耳和紅棗,好滋潤。
桂花雪梨海底椰糖水配芋圓 ($28)
糖水好清甜,有陣陣桂花清香。
香芋椰汁西米露配芋圓 ($28)
芋圓味道好突出,越咬味道越濃郁。
西米露啖啖椰香味,還食到粒粒芋頭。
未夠喉的朋友亦可購買生芋圓在家中烹煮,同樣美味呢~
綜合五色生芋圓 ($66/300克;$83/400克;$98/500克)
芋圓煮3分鐘左右,浮面漲起後即可食用,可存放在雪櫃1個月。
*另有綜合三色生芋圓可選。
小店出品的芋圓質素頗高,店主亦樂於跟客人介紹各款甜品和分享心得,愛食芋圓的朋友值得一試!
芋圓圓
地址:太子荔枝角道88A號地下3號舖
營業時間:星期一至日 1pm - 11pm
電話:5543 0154
IG網店:sweet_taro_taro
2. 芋圓窩夫
屯門有間人氣甜品店,其中一位店主是台灣人,出品的台式食物很地道。小店主打各款梳乎厘pancake和窩夫,其中一款高人氣甜品就是珍珠奶茶芋圓窩夫。
珍珠奶茶芋圓窩夫 ($56)
窩夫外脆內軟,窩夫底和自家製奶茶忌廉都有濃郁奶茶味,窩夫內還有不少珍珠餡。
面層的芋圓、地瓜圓和珍珠增添口感。
綜合燒仙草配芋圓、地瓜圓、小丸子、珍珠、紅豆 (熱/凍 $32)
芋圓由台灣進口,有咬口,薯味突出。
愛 . 添 Appétit Desserts
地址:屯門井財街15號金銘大廈地下3號舖
營業時間:星期一至日 5:30pm - 2am
電話號碼:3460 4203
3. 芋圓豆腐花
除了在深水埗和九龍城外,老字號「公和荳品廠」在葵廣其實同樣有分店,大家又有多個落腳點可以品嘗他們出品的豆製品~葵廣分店更獨家推出芋圓豆腐花,芋圓迷係時候出動!
三色芋圓豆腐花 ($25)
有芋圓、紫薯圓、地瓜圓,都是由人手新鮮製造,而芋圓選用100%荔浦芋頭,口感頗為煙韌。
豆腐花滑溜有豆香。
可隨個人喜好加入黃糖。
公和荳品廠
地址:葵芳葵富路7號葵涌廣場2樓潮流廊2期2023號舖
營業時間:星期一至日 12nn - 9pm