愛食丼飯的朋友有好消息～最近旺角有間丼飯店新開張，有20多款丼飯選擇，份量超大，可以任添飯和味噌湯，新開張期間更有88折優惠，為食的朋友一定滿足！
海膽甘蝦丼 （$138）
選用韓國朝鮮海膽，每日新鮮送到，頗為鮮甜。
甘蝦大大隻，還有粒粒三文魚籽可伴著一齊食，鮮味十足。
北海道魚生爆丼 （$138）
爆丼有9款魚生，包括三文魚、黑鰭拿魚腩、鰹魚、北寄貝、帆立貝、蝦、海膽、三文魚籽。
黑鯨舌拿魚腩甘香，魚味頗濃郁。
三文魚籽晶瑩剔透，有口感。
想食的朋友要留意，此款爆丼選用時令魚生，暫定7月才開始加入海膽呀～
蒲燒鰻魚玉子丼 （$138）
鰻魚即叫即燒，掃上燒汁味道香濃。
原條鰻魚豐腴肥美，富油香。
熟食的丼飯底加了日式海苔香鬆魚粉調味，好香口。
海賊牛盛丼 （$118）
丼飯有星鰻和火灼左口魚。
左口魚入口即溶，非常嫩滑，小編推介！
星鰻
山賊牛盛丼 （$88）
有和牛腸、牛肚和肥牛，大廚炒得好香口。
丼飯均附送味噌湯和甜品，味噌湯和飯又可以任添，好抵食！
甜品有抹茶和菓子和雪米糍可選，視乎當日供應。
愛食日本菜的朋友不妨試試這新店吧～
大勝丼
地址：旺角彌敦道594-596號旺角新城5樓
營業時間：星期一至日 12nn - 3pm；6pm - 10:30pm
電話：3618 7488
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
