平時去食壽司好多人都鐘意坐迴轉位，見到想食的壽司就即刻拎！不過普通的迴轉壽司都唔夠特別，日本品牌TAKARA TOMY最近就推出了一款富士急樂園壽司摩天輪，壽司在摩天輪上面轉嚟轉去，夠晒搞鬼，揀啱邊碟仲可以拉起路軌等壽司好似坐過山車咁滑到面前，以後係屋企開Party和朋友一齊食壽司可以試試！除了壽司摩天輪之外，另外仲有一款「Night Pool」主題的發光流水冷麵機，同樣係有得食又有得玩，好吸引～
入電後按開關，壽司摩天輪就會開始慢慢轉動！
有一條軌道連接摩天輪和枱面，等壽司可以送到面前。
套裝內仲有埋製作壽司的倒模、墨魚造型飯勺～
可以準備飯同鍾意食的魚生，自己整埋壽司！
壽司在摩天輪上面轉嚟轉去，夠晒搞鬼！
揀啱壽司就可以拉起白色梯連接摩天輪，壽司就會好似坐過山車咁從軌道滑落枱面。
另外仲有以「Night Pool」做主題的冰凍流水冷麵機，夏天太熱唔想出街都可以留係屋企邊玩邊食冷麵！
流水冷麵機全長360cm，有唔同嘅組件可以組裝。
仲有現時十分流行的火烈鳥配件！
冷麵機有三種閃燈模式（Party Mode、Romantic Mode、Cool Mode），啱晒唔同場合。
另外有冰模可以整唔同形狀嘅冰，夠晒特別！
冷麵機用法好簡單，只需要將適量水倒落水池，再按開關就得。
之後將煮好嘅麵放入冷麵機，睇啱時機夾起麵條。
加埋冷麵汁，就可以足不出戶都食到日式流水麵啦！
銷售點：香港JC Shop分店
