【旺角cafe】閨密聚會好去處 3間特色旺角cafe推介

【沙田美食】4大親民美食 船麵/食街/素食壽司

發佈時間: 2018.08.07
文: YY
  • 1,000次
    分享

沙田除了一般商場的貴價食品外,其實還有不少價錢親民的美食,這次就為大家介紹4間位於沙田的美食,以後就有更多選擇!

 

1. 街市新開美食街

6月開幕的沙田廣源市場以紅磚工業風為主題設計,特設小食街,齊集各地地道美食,包括西式燒烤、每日新鮮即包魚肉燒賣、手拉腸粉等,選擇多多。大部份小食店營業至凌晨2時,一齊看看有哪些精選美食!

 

汕尾美食:主打地道汕尾美食,街外非常少見!

手拉腸粉($18-$24)即叫即製,可以加入雞蛋、叉燒、蔥花等,腸粉軟滑。

 

幸茶舍:

虎紋黑糖珍珠奶茶($22),黑糖味頗濃,珍珠有咬口。

玫瑰青瓜梳打($25)

除了各式台飲,還有台式小食,如台式鹽酥雞、台灣珍寶花枝丸,即叫即炸!

 

豆腐巴巴:主打中式手工甜品,所有豆腐製品均是自家製。

一口炸豆腐($20)

 

芋圓紅豆涼粉豆腐花($25)

另有各款涼粉、豆腐花提供。

 

皇后餃子:

廣源店獨家口味健康素餃($10/3隻)及京蔥牛肉餃($15/3隻),每日新鮮製造,即叫即製,餃子迷絕對不可以錯過!

狗仔粉($20),配上特製辣菜脯更惹味。

 

米皇:主打粥品腸粉

推薦豬潤粥($28),粥底軟綿,豬潤嫩滑大塊。

炸兩($28)外軟內脆,不會太油膩。

招牌新口味生煎肉餅太陽蛋飯($38連熱飲,學生$32連汽水),肉餅厚身鬆軟。

 

三寶皇:

魚肉燒賣每日人手即包即製,非常新鮮!燒賣質感軟糯,食到魚香味。($12/6粒)

另有其他特色港式街頭小食,如惡魔炸雞髀($20)、炸雞翼($8)、生菜魚肉($18)。

 

一豚豬手:

由美食展殺入地鋪的豬手專門店,售賣超過十款肉食,更有各類滷水、麻辣及冷盤小食供應。

主打招牌黑椒燒豬手($58),由本地廠房燒製,每日新鮮運到門市再作後期烹調,皮脆肉嫩。

 

沙田廣源市場

地址:沙田小瀝源路68號廣源邨廣源市場

 

2. $30超抵食泰式船麵

沙田有間主打泰式船麵的小店,有8款餸菜供客人選擇,而且還有兩款自家熬製的湯底,價錢實惠又飽肚。

船麵跟一款餸菜,可選豬頸肉、香茅雞翼、肥牛、扎肉、泰式豬肉丸、泰式牛丸、魚片或魚蛋,加餸每款$7。至於麵類則有金邊粉、檬粉、河粉和米粉可選,加$5轉泡飯亦可。豬骨濃湯和清雞湯都是店舖自家熬製,豬骨湯入味濃郁,而清雞湯則適合怕太濃膩的朋友。

愛食辣或濃味的朋友隨意可添加泰國炸蒜、辣粉、辣椒油和魚露。

香茅雞翼金邊粉 ($30)

面頭鋪滿泰國炸豬皮、泰國炸蒜、蔥、芫荽和芽菜,香辣惹味。

船麵加上脆卜卜的泰國炸豬皮後更香口,小編推介!

雞翼醃得很入味。

 

豬頸肉檬粉 ($30)

燒豬頸肉香口,而且份量頗多。

 

四寶丸河粉 ($35)

配料有扎肉、泰式豬肉丸、白魚蛋和魚片,好豐富。

白魚蛋好彈牙。

 

未夠喉的朋友可以試埋跟餐小食,同樣選擇多多,好吸引~

泰式炸蝦餅 ($28/塊;跟餐$12/2塊)

蝦肉外層香脆,咬落啖啖肉。

 

泰式無骨鳳爪 ($30/中;跟餐 $18/3隻)

鳳爪味道偏酸,配搭蘿蔔絲食好開胃。

 

串燒 (跟餐 $15/2串;$48/任選6串)

有三款串燒,分別是雞肉、豬肉和牛肉。

醬汁香濃,帶點甜味。

雞肉頗為嫩滑,不會太乾身。

要留意,跟餐配串燒只可選同一款呀~

 

船仔
地址:沙田石門安群街3號京瑞廣場1期2樓233號鋪
營業時間:早上11時至晚上9時
電話:2661 6269

 

3. 懷舊主題冰室

懷舊主題總是百看不厭,有得食有得睇又可以影相,就更加吸引!

店內裝潢以懷舊為主,參考七八十年代茶餐廳的設計,別具風格。而且店內提供不少懷舊食品,如「和尚跳海」、鮮奶加雞蛋等,「王子麵包」則代表菠蘿包。

冰室會新鮮出爐酥皮蛋撻及麵包,直接外賣買走都無問題。

酥皮蛋撻 ($8),酥皮層次分明,蛋漿既香滑,另有斑蘭蛋撻可以一試。蝴蝶酥 ($8)香脆鬆化,微甜而不膩,大大塊幾抵食。

店內亦供應多種新鮮麵包,熱辣辣任你揀。

鮮油菠蘿包 ($10),麵包外皮十分脆,包身鬆軟,同牛油一齊食一凍一熱,口感豐富配搭一流。菠蘿包單買$8,唔算平,不過口感外脆內軟,值得一試。

常餐有多款選擇,其中一款為鮮茄豬膶公仔麵配黑松露醬炒滑蛋拼厚多士 ($52),可選通粉、米粉或意粉。

炒蛋尚算嫩滑,蛋味香濃,黑松露醬味道香濃。黑松露醬配上炒蛋,配搭得宜。

豬膶爽口新鮮,鮮茄湯底濃郁,啖啖茄肉,足料!

 

沙田友冰室

地址:沙田石門安群街3號京瑞廣場一期地下G19號舖

營業時間:早上6時30分至晚上9時30分

電話:26509333

 

4. 素食壽司

近年不少人提倡素食,除宗教原因外,亦希望保育環境。沙田就有一間素食壽司店,價錢親民,無論是否素食者都可以試試。

素鰻魚牛油果卷 ($28/4件)

素鰻魚主要由大豆製成,味道不濃,健康之選。

 

素三文魚芝士卷 ($26/4件)

內餡素蟹柳有炸過,頗為香口。

 

素軟殻蟹卷 ($24/4件)

用炸海草製成,酥脆度比真蟹略軟,但口感依然十分豐富,配上醬汁幾可亂真。

 

知味駅

地址:沙田牛皮沙街2號愉翠苑街市地下2號舖

電話:94585190

營業時間:早上10時至晚上8時30分

*去之前最好到Facebook專頁查看當日會否開店!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

【旺角cafe】閨密聚會好去處 3間特色旺角cafe推介
more