8度餐廳 滋味海鮮仲夏夜

發佈: 2018.08.10
文: 肥貓

8度餐廳嘅自助晚餐一直深受大眾歡迎,原因係呢度食物款式多之餘,仲有唔少回本美食,如源源不絕嘅兩款即開生蠔、串燒專區、各式鮮甜刺身及壽司等,絕對係物超所值。最近餐廳更以海鮮主打推出咗「仲夏海鮮自助晚餐」,除有即開生蠔、冰鎮海鮮、阿拉斯加皇后蟹腳、香煎鵝肝配黑松露汁外,仲有一系列用海鮮炮製嘅醒胃佳餚,如泰式咖喱河蝦、海鮮時果沙律配黑醋蜜糖汁及火龍果雜椒炒蝦等。不過,最大亮點必定係每人可歎半隻即蒸波士頓龍蝦,爆膏嘅龍蝦鮮味彈牙!另外,還有首次登場嘅Häagen-Dazs雪糕及窩夫專區,大廚即場加熱Haagen-Dazs出品嘅威化筒,配埋期間限定最新口味嘅「白桃紅桑子雪糕」和「黃桃乳酪雪糕」,實在最滋味不過!

 

冰鎮海鮮

冰鎮海鮮款式多,有青口、阿拉斯加皇后蟹腳、蝦及翡翠螺等源源不絕供應,必定係回本之選。

8度餐廳  滋味海鮮仲夏夜

Häagen-Dazs雪糕及窩夫專區

首次登場嘅Häagen-Dazs專區,即叫即製嘅熱辣辣威化筒加熱後製成杯,然後盛著細滑如絲嘅Häagen-Dazs兩款最新口味雪糕,冰、熱、脆、滑四種口感令人停不了口。

8度餐廳  滋味海鮮仲夏夜

每人可享半隻「即蒸波士頓龍蝦」,龍蝦膏香鮮味,肉質彈牙,令人難忘。

香煎鵝肝配黑松露汁

黑松露被稱為「桌上鑽石」,配合外脆內軟的香煎鵝肝,令味道更為濃郁芬芳,回味三日。

8度餐廳  滋味海鮮仲夏夜

火龍果雜椒炒蝦球

蝦球炒得爽口鮮味,配以清甜嘅火龍果,味道平衡又美味。

8度餐廳  滋味海鮮仲夏夜

師傅即開空運到港的法國及美國生蠔,兩款均鮮味十足,是必食之選。

燒特級牛肉

牛肉燒至半熟,外層香口,肉質嫩滑,牛肉味濃香,同樣是師傅即場切製。

8度餐廳  滋味海鮮仲夏夜

呢度有一個甜品專區,甜品款式非常多,當中「芒果拿破崙」稱得上全港數一數二,係不少人嘅最愛。此外,甜品推介還有「冧酒批」、「鮮果白酒果凍」、「紐約芝士蛋糕」、「牛油麵包布甸配雲呢拿汁」及「紫薯慕斯蛋糕」等。

8度餐廳  滋味海鮮仲夏夜

 

8度餐廳

地址:土瓜灣九龍城道199號8度海逸酒店大堂

電話:2126 1960

日期:即日至9月30日

供應時間:6pm-9:30pm

收費:星期一至四,成人$478、長者$408、小童$338

星期五、六及公眾假期,成人$508、長者$458、小童$388

於eShop訂座可享高達8折優惠,eShop: https://goo.gl/rV6TFC

 

Source: 8 度海逸酒店

more