早前在西灣河太安樓專賣班戟和雪糕的人氣甜品店因加租而被迫結業,最近這間班戟店捲土重來,在另一掃街熱點筲箕灣跟大家再度見面啦!以後大家可以繼續食到小店的招牌焦糖燉蛋班戟,部分班戟款式比起舊店還更便宜呢~
班戟都是即叫即製。
焦糖燉蛋班戟 ($32)
班戟煙煙韌韌,有蛋香。
燉蛋面層有燒焦糖脆面,脆卜卜香而不膩。
班戟煙煙韌韌,配上滑捊捊的燉蛋,口感豐富。
班戟底層還有一球自選口味的雪糕呢~
芒果士多啤梨雪糕班戟 ($32)
班戟鋪滿芒果粒和士多啤梨,再淋上士多啤梨醬。單款水果口味班戟由$26至$29不等,加多款水果則另加$3。
選用菲律賓呂宋芒和美國士多啤梨,酸酸甜甜好開胃。
食到底部還有生果粒、雪糕和忌廉。
芝士鹹牛肉班戟 ($30)
芝士跟鹹牛肉是完美配搭,食落非常香口。
班戟鋪滿饀料,再唧上沙律醬。
Mozzarella芝士有拉絲效果,好吸引!
鹹食班戟另有菠蘿肉鬆口味可選。
5球雪糕 ($12)
雪糕共有15款口味任選,如士多啤梨、朱古力、雲呢拿、抹茶、荔枝味等。小編就揀咗香芋、芒果、紅豆、薄荷朱古力和咖啡味雪糕。
只需12蚊就可以食到5球雪糕,4球雪糕亦只需$10,經濟實惠。即使是學生哥想食多啲都唔肉赤呀!
雪糕質地較黏身,味道頗為濃郁。
紅豆雪糕內有粒粒紅豆增添口感。
以後到筲箕灣掃街時可以試埋呢間班戟店啦~
I Love 戟 - 班戟專門店
地址:筲箕灣東大街76號地下C號舖
營業時間:星期一至日 2pm - 10pm