小心上癮！港產手造新鮮朱古力品味登場！

就嚟又到送禮節日，朱古力一直係唔少人嘅選擇！不過如果你仲迷戀連鎖品牌嘅朱古力的話，咁你就Out喇！新登場嘅Schoggi Meier係香港土生品牌，特登請嚟瑞士藉嘅大師傅逐粒手工製作，精挑最優質嘅原材料由唔同國家空運抵港，最正嘅係粒粒新鮮無添加，咬落香濃、幼滑、軟綿之餘，果仁類仲鬆脆甘香，完全顛覆咗朱古力傳統口感，將你嘅品味同味覺提升到另一境界！

全天然無添加  少甜配方啱晒港人口味

市面上朱古力品牌何其多，點解今次特別推介Schoggi Meier?梗係有佢獨特之處啦~首先Schoggi Meier係由大師傅Rene Frauenfelder同佢嘅團隊日日新鮮手製，單係呢樣已經贏開巷！而且為咗配合港人口味，亦作出咗調整，好似外國人口味偏甜，但Schoggi Meier就將果仁朱古力茸調成少甜配方，加上採用瑞士原材料Couverture 100%可可脂朱古力製造，配以純天然食材、以及堅持唔用任何化學味道添加劑，所以每粒Schoggi Meier手工朱古力都畀到人濃郁、天然而又極度幼滑嘅味覺享受！

Schoggi Meier工場設於香港，不過所有原材料好似可可磚、果仁、果茸都係取自於唔同盛產國家，好似瑞士、美國、法國同意大利等等，可謂集全球之大成！

Schoggi Meier嘅主理師傅Rene Frauenfelder係朱古力大師級人馬，由16歲開始就已經投身朱古力製作行業，仲得過「最佳糕點師」榮銜，之後喺蘇黎世傳奇甜品Confiserie Sprungli呢個頂尖品牌擔任糕點主廚，响全球甜品界享負盛名，進軍芬蘭、法國、紐約等國家工作，最善長係發掘嶄新味道！所以能夠一嚐佢嚟主理嘅Schoggi Meier朱古力，絕對係食家們嘅福氣啦~

點解手造朱古力會特別濃香幼滑?Rene Frauenfelder就解構畀我哋知，原來機製朱古力好大機會要加入化學成分嚟配合機器生產，所以要做到以純天然食材製作，一定要全人手，先可以直接觀察到每粒朱古力嘅軟滑度同色澤，亦可以提升味道變化同觀感設計，所以真係粒粒皆心機㗎！

激讚推介！人生不可不試嘅朱古力味道！

講到咁出眾，我哋點可以唔親身試味，等大家隔住個Mon都feel得到有幾好食呢?首先梗係試吓Schoggi Meier嘅皇牌朱古力先啦~

Four Brothers Delight(左)係由4粒頂級意大利Piedmont榛子、加埋外層朱古力製作而成，分別有64%/52%黑朱古力、以及白朱古力同牛奶朱古力共四款，薄薄嘅朱古力面層同鬆脆甘香嘅榛子完全係perfect match，原來經過烘烤嘅榛子係咁香脆㗎~一咬落去真係有令人雙眼發亮嘅反應！另一款Premium Truffle Collection亦係全人手製作，有8款口味集於一身，裏面嘅朱古力軟心簡直有流心感覺，不過最like嘅係佢唔會太甜，完全食到朱古力嘅濃香幼滑~仲可以一次過食到8款唔同嘅味道(包括海鹽焦糖、夏威夷果仁、雲呢拿香橙等)，真係人生一大享受~

The Schoggi Collection最啱就係多心嘅你！有18款味道嘅佢，完全滿足味蕾嘅慾望！試勻咁多款真係款款都值得推介，好似紅桑子乾伴士多啤梨軟心黑朱古力咁，酸甜混合完美得令人一試難忘！另外泡沫咖啡黑朱古力香濃醒神，嗜甜者就必試杏仁薄脆牛奶朱古力同香脆夏威夷果仁杏仁茸牛奶朱古力喇！試完呢幾款後，保證你必定會百分百衝動試埋其他，記得留肚喇~

以簡約設計為主嘅Grand Cru Premium Praline Collection(右)共有12款，全部以黑朱古力作主角，外型矜貴高雅，作為商務送禮就最適合不過！當中不得不試嘅有85%軟心黑朱古力，濃香細滑嘅味道可謂朱古力迷大愛之作！另外就係柑橘啫喱伴香橙軟心黑朱古力同柚子蜜糖脆脆黑古力，加入咗天然果茸嘅佢可謂無懈可擊，清新果味與濃香黑朱古力完美結合，成為咗市場上獨特既口味，無得輸！而Pure Chocolate Indulgence片裝朱古力就有72%黑朱古力片、52%黑朱古力片、牛奶朱古力片同白朱古力片4款，啱晒鍾意純味嘅人士，享受100%純朱古力口感！

怕忍唔到口一次食得太多? Schoggi Meier亦有輕便裝畀大家揀！一共有12款嘅Schoggi Meier Dragee，Noix Caramelise同Fruits au Chocolat系列，有唔同口味嘅朱古力外，仲有由Schoggi Meier自家烘焙嘅果仁呀~呢個真係要大聲地同大家公佈，因為佢哋獨到嘅烘焙法實在令每粒果仁嘅鬆脆度都攞滿分㗎~yummy~

溫馨提示：Schoggi Meier依家主力會以online shop訂購方式營運之外，亦會不時喺唔同地方搞Pop-Up Store，畀大家試食吓、感受一下呢種與別不同嘅優質朱古力味道。嚟緊2018年9月21日至10月7日，就會响觀塘aPM大堂內嘅潮流美味市集同大家見面，記得去試吓啦~

購買網址: www.schoggimeier.com.hk

aPM潮流美味市集

日期: 21/9/2018-7/10/2018

時間: 中午12:00 – 晚上12:00

地址: 觀塘APM Concourse Level 6號檔(觀塘地鐵站A2出口)

資料由客戶提供