誰說「飲茶」只是老一輩的餐飲選擇？位於中環的「優點心」推出$88點心放題，製作多款新派特色點心，如紫薯玫瑰卷、抹茶紫薯餅等等，完全貼近潮流的新口味！嫌未夠飽肚的話，更可任食蒸飯和鰻魚飯，絕對超值回本。一起看看有什麼特色點心款式吧！
櫻花水晶蝦餃，大大粒，鋪滿櫻花蝦，好足料！
魚子桃膠鮮蝦燒賣，魚子多到滿瀉，魚仔造型的魚蛋都好得意。
人參上湯小籠包，皮薄多肉汁。
紫薯玫瑰卷，外型好精緻，散發淡淡紫薯香。
星星馬拉盞，新鮮出爐，口感好鬆軟。
七味炸雞翼，辣辣地夠惹味。
唔只有點心，仲可以任食串燒，有雞肉、牛肉、豬肉等，都係即叫即燒！
另外，除了有幾款蒸飯任食之外，其中照燒木魚花鰻魚飯，大大條鰻魚好吸引。
甜品方面，推介抹茶紫薯餅，外脆內軟～
養顏紅棗糕，心形造型很特別。
食點心當然要飲茶，玫瑰伯爵茶都可以任添，可以消滯解膩。
有興趣的朋友，記住必須先電話預約。
點心放題只限星期一至六，限時90分鐘，分兩個時段收費 :
下午3時至6時：$88/位
下午6時至9時半：$108/位
每次落單可以叫多於一款食物，但食剩有可能要原價收費，食得晒先好嗌，唔好浪費食物～
優點心
人均消費：$101 - $200
地點：中環蘭桂坊和安里6號地鋪
開放時間：星期一至五 - 上午11時至下午10時；星期六 - 上午11時至凌晨12時
電話：25129128
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
