唔洗熱辣辣 嘆住冷氣食海鮮燒烤

發佈: 2018.10.10
文: U Food

雖然已經入秋,但氣溫依然高升,不過呢啲小問題又點會阻止到香港人對BBQ嘅熱情呢~出晒名性價比超高、熱葷海鮮甚至乎甜品都樣樣皆精嘅8度海逸酒店,啱啱推出咗海鮮燒烤自助晚餐,燒烤專區有齊惹味大蝦、串燒一口牛、豬肋骨等坐鎮外,即開生蠔仲勁肥美鮮甜;仲有埋無得輸嘅厚切法國鵝肝,咁嘅牌面絕對係Buffet界無敵之選~

10月15至31號特備萬聖節海鮮燒烤自助晚餐,加入多款造型趣怪驚嚇嘅美食。萬聖節當晚更有可愛嘩鬼載歌載舞,夠哂搞鬼!

首輪衝刺Round 1推介:回本海鮮冷盤

唔洗熱辣辣 嘆住冷氣食海鮮燒烤

海鮮冷盤一向係港人認為回本必食之一,8度海逸嘅海鮮唔單只係不比別家輸蝕,更可以話係精益求精!尤其係即開生蠔同鱈花蟹腳更係筆者至愛!近日

引入嘅生蠔均屬法國或美國品種,肉質肥厚鮮甜,海水味恰到好處,口感Creamy,必然令「蠔客」們大叫滿足!而鱈花蟹腳則為空運抵港後先再切開,令肉質保持最新鮮狀態,同一般雪藏貨色截然不同。其他如翡翠螺、大蝦、青口等,都係Must Have Item!

 

 

Round 2推介:惹味香口烤肉

唔洗熱辣辣 嘆住冷氣食海鮮燒烤

嚟得呢度,梗係要食熱葷主角啦~今次以燒烤為buffet主題,加入咗唔少優質食材,好似一口牛嘅濃厚肉味中帶有嫩滑口感,絕對係嗜牛者大愛之選;而醃得惹味嘅豬肋骨,啖啖肉夠juicy!仲有鹽燒魷魚、烤大蝦呢啲燒烤必食海鮮,肚皮真係要留前鬥後呀~

 

Round 3推介:媲美水產店刺身

唔洗熱辣辣 嘆住冷氣食海鮮燒烤

日日飛機直送到港嘅刺身,新鮮度已經比一般餐廳嚟得更fresh,加埋呢度唔係得三兩款畀你揀,而係有多達五六款,三文魚、吞拿魚、甜蝦呢啲必備之外,更有希靈魚、馬刀貝等,師傅會根據每日質素而決定,保證新鮮!

唔洗熱辣辣 嘆住冷氣食海鮮燒烤

想食充滿油脂甘香嘅法國煎鵝肝,唔駛去到天價buffet先有得食!呢度亦提供真正法國鵝肝畀你嘆,最令人驚喜嘅係,餐廳一啲都唔計較,件件厚切放响你面前,完全畀到你甘香味覺享受。

鍾意食羊架嘅人有福了!因為呢度嘅羊架,將會係响自助餐見過最肉質豐厚嘅羊架!使用紐西蘭香嫩羊架,以香草醃過24小時,令羊架每口都充滿香氣。

唔洗熱辣辣 嘆住冷氣食海鮮燒烤

8度海逸皇牌甜品芒果拿破侖以特選呂宋芒製作,師傅更講明芒果唔靚寧願唔做,所以一直都可以保持質素!微甜嘅吉士與鬆脆酥皮結合得天衣無縫,加埋清甜呂宋芒,就成為自助餐桌上熱搶甜品之一啦~

唔洗熱辣辣 嘆住冷氣食海鮮燒烤

資料來源︰8度海逸酒店

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more