在香港要食日本菜不難，但要食到正宗日式風味又價錢合理的日本菜亦不易。荃灣一個屋邨商場裡有間其貌不揚的洋食屋，小店由日籍大廚前田先生主理，為大家炮製自家製漢堡扒、意粉和Pizza等日式西洋料理。大廚前田先生曾在日本奈良人氣洋食屋老字號「ワダキン」學藝4年，亦曾在藍帶廚藝學院進修，大排長龍的食客正是對前田先生烹飪實力的肯定。洋食屋著重用料和食物質素，菜式賣相樸實不花巧，反而多一份家的味道，感覺親切。
和風滑蛋豬扒飯定食 （$88）
選用九州雞蛋，半生熟蛋非常嫩滑，面層還有一大塊吉列豬扒。
豬扒外層香脆，肉質鬆軟。
滑蛋火喉控制得剛剛好。
跟餐送綠茶或汽水，還有沙律和豬肉雜菜麵豉湯（豚汁）可選。麵豉湯以炒香的洋蔥和紅蘿蔔等配料熬煮，清甜不死鹹。
和風自家製咖喱漢堡扒飯定食 （$78）
漢堡扒每份足150克，用上美國西冷免治牛肉人手打成。
漢堡扒混入少許麵包糠吸引水分，食落更濕潤juicy。
漢堡扒好厚身，肉汁豐富，口感鬆軟但不會散開。
秘製咖喱香滑濃稠，帶洋葱香甜味，味道不辣，小朋友都啱食。
原條燒花魚配柚子醬油定食 （$68）
花魚好大條，肉質有彈性，不乾身。
魚肉可蘸酸酸甜甜的柚子豉油食，開胃解膩。
布甸芝士蛋糕 （跟餐加$15｜單點$25）
芝士蛋糕是北海道直送，蛋糕質感像雪糕般軟滑，奶味突出，入口芝士味慢慢滲出，美中不足是偏甜了一點。
這間藏身於屋邨商場的小店洋溢著濃濃人情味，還吸引了不少舊時在西營盤開店時光顧的舊客特意拜訪。餐廳的食物款式不是最多、最花巧的一間，但當中每道菜式都可以感受到店主的誠意，簡單、美味，這已經足夠。
日本洋食屋 翔
地址：荃灣荃景圍荃灣中心商場地下S39號舖
營業時間：星期二至日 11:30am - 3pm；6pm - 10pm（逢星期一休息）
電話：9385 5711
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
