「秋風起,要食梨」就聽得多,但梨其實又要點揀?平時買梨都係隨便係街市揀一個,今次就有網購水果品牌Fruitmaster教大家如何選擇優質梨!
通常揀梨我們也會選擇日本或韓國梨,韓國梨有十多個品種,而其中最受歡迎的就是10月當造的新高梨,有梨中女皇之稱,甜度去到11-13度,外皮呈啡黃色,清甜多汁、皮薄果肉結實。
至於日本梨也有不少款式,「20世紀」梨果皮呈綠黃色,清爽多汁帶酸味,另外亦有果皮為紅褐色的香水梨和豐水梨,比起「20世紀」更為甘甜,味道也更為醇厚。近期就有長野南水梨,果身較圓和扁身,表皮褐色且有光澤,並帶有淡黃色的斑點,果肉香甜多汁,甜度可達17度。
優質梨子會散發出一陣強烈的甜味,果皮光滑,果肉硬身。梨的糖度分佈從下至上,果實底部較頂部近梗的部位甜,靠近果皮比果核附近甜。不少人都會問究竟梨子有斑點是不是不可以吃,其實斑點愈少愈新鮮,但多斑點則會比較甜,當然如果已出現黑色斑點而且瘀身就代表已經過熟,最好選擇帶淡色斑點的,避免選取軟身、起皺、瘀身的,就可以吃到又爽又甜的梨!
資料及圖片來源:Fruit Master、JTNO、FB@Korea Plaza、FB@K-Food Fair 2018