深水埗一向有好多街坊食店受到好評，如「新香園」、「維記咖啡粉麵」、「合益泰小食」等，更吸引了不少區外的人一嚐滋味。西九龍中心的美食廣場更稱得上為「平民飯堂」，食物價廉物美，其中有海南雞飯專門店的海南雞飯$22起就有交易，啱哂長期糧尾的朋友！
店內主要售海南雞飯，另可單點飯卷。
海南雞翼飯 （$22）
價錢比連鎖快餐店套餐更實惠，每碗有3隻雞翼及去骨翼髀肉，比想像中多餸。
雞翼都頗大隻，肉質嫩滑。
海南雞飯 （$30；轉雞腿加$5）
雞件全部去骨啖啖肉。
雞胸肉不「嚡口」。
醬汁濃味微辣，蘸少少更惹味。
油飯份量多，有淡淡香氣。
每個飯配有一碗無添加雞湯（單點$8），雞湯熬足一晚，十分清甜。
特式雞飯卷 （$18）
飯卷加入海南雞飯的配料製成。
入口味道跟海南雞飯一樣，預先加入了醬汁所以味道微辣。
雖然雞肉比例不多，但口感夠豐富，食完飯唔夠喉可以再點個飯卷試試。
青檸梳打 （$8）
有大大樽singha soda water配青檸底，解渴一流！
愛食海南雞的朋友以後多個抵食選擇啦～
水門泰式海南雞飯專門店
地址：深水埗欽州街37號西九龍中心8樓美食廣場55號舖
營業時間：星期一至日 12:30pm - 9pm
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
