我想和你無所事事

具本地特色飲品店進駐將軍澳 黑糖珍珠奶茶/忌廉芝士奶蓋

發佈: 2018.11.06
文: Rachel

香港飲品店梗有一間喺左近,但飲品店加入本地元素你又有沒有見過?將軍澳最近新開的飲品店「我想和你無所事事」,店鋪名和logo的設計都充分表達了本地愛Hea精神,而logo更是由本地插畫家「謝曬皮」設計;至於飲品名也加入了粵語和潮語,玩味十足。另外在飲品方面,當然不少得人氣的黑糖珍珠鮮奶、水果茶、忌廉芝士打成的奶蓋,還有推出較新穎的Cupcake配梳打,讓各位無所事事時Hea住嘆特色飲品!

本地特色飲品店「我想和你無所事事」進駐將軍澳,logo由本地插畫家「謝曬皮」設計,玩味十足。

GG黑糖珍珠鮮奶($28),黑糖珍珠好入味,口感煙韌。奶蓋特別加咗忌廉芝士,搖勻後飲落好香滑。

「乜得你咁馨香芋拿鐵」($28),散發淡淡芋頭味,加上漸變紫色,賣相吸引。

「Cupcake釀接骨木花葡萄柚梳打」($34),可以邊飲邊食Cupcake,好創新特別。

「啱啱生完咁新鮮水果四季春」($35),用上多種新鮮水果,茶味香,味道清新~

GG紅火龍果($42),由新鮮紅肉火龍果榨汁,再配上由忌廉芝士打成的奶蓋,鍾意芝士奶蓋的朋友要試下!

另外,店鋪還特別推出「與體液相近」海鹽焦糖雪糕($48),味道鹹鹹地,再配上焦糖脆片及棉花糖,口感香滑又有層次。

經過將軍澳的朋友可以去試下~

「我想和你無所事事」
地址: 將軍澳唐德街9號POPCORN 1樓F96號舖  
營業時間:星期一至五下午1時至晚上10時

↓有新嘢玩!《社群》專區登錄App↓

↓必睇人氣美食主題深度關注組!!↓


↓送皇玥新年經典精選禮盒 ↓

↓集齊4款熱賣款式!↓

more