提到BBQ,大家通常都諗起又熱又成身煙味,仲要專程買料入郊野公園燒,諗起都覺麻煩。觀塘年中就開了一間燒烤放題店,不像一般日式燒烤、韓燒,而是提供不同串燒,重點是店家設置了燒烤自轉機,可以在室內涼住冷氣BBQ又不用自己一直拿著燒,雖然無戶外炭火燒烤咁熱鬧有風味,不過唔怕煙燻眼,又夠哂方便!
觀塘的密密燒每枱都有一部燒烤自轉機,以每爐計算4位或以下惠顧可任食2.5小時,5至6位任食3.5小時。
任食超過30款串燒,另外汽水、自家製豆漿任飲,酒精類飲品另計。
所有串燒不經醃製,可以自行加上燒烤醬、孜然粉、彩椒粉及海鹽。
地方有限,每枱一次最多可點60款串燒,每款數量不可多於該枱人數,食完再點。
肉類串燒方面,有齊雞、牛、羊、豬同鴨。牛肉就最多選擇,特別推薦牛肋腩,軟腍牛味又濃。
肉類質素不錯,嫩滑鮮味,店員建議牛肉不用燒至全熟,口感更好。
平時燒烤最怕燒燶雞翼之餘又唔熟,自轉燒烤爐就可以輕鬆燒到外脆內嫩的金黃色雞翼;雞軟骨亦是必食之選,燒到脆卜卜好香口。
不想食太多肉,亦可以選擇菠蘿、豆卜等其他配菜。
每位的碟子有4個間隔,方便客人加上不同口味的調味料,十分貼心。
密密燒
地址:觀塘康寧道89號地下
營業時間:晚上6時至11時30分
價錢:成人$238/位;小童(3-11歲) $138/位