聖誕閃亮燈飾 琳瑯美食盡在「8度」
【葵涌美食】葵涌新商場life@KCC4間特色餐廳推介 外帶兩層Hi-Tea架/鰻鰻燒蛋包飯/牛油果多士

聖誕閃亮燈飾 琳瑯美食盡在「8度」

發佈時間: 2018.12.07
文: UFOOD
  • 1,000次
    分享

聖誕將近,尋尋覓覓都搵唔到個好去處?「8度海逸酒店」已經掛起聖誕燈飾,佈置了聖誕樹同薑餅屋造型小商店,等著大家嚟慶祝佳節。除咗燈飾,當然唔少得美食。「8度餐廳」準備咗自助午餐、自助晚餐同宵夜自助餐,包括精選海鮮拼盤、現煮檯及烤肉檯、刺身及甜品區,仲加入多款令人垂涎欲滴嘅應節聖誕美食,包括聖誕燒火雞、燒火腿、甜品如聖誕朱古力樹頭蛋糕、玉桂蘋果撻、朱古力慕絲餡餅等等。以濃濃嘅聖誕節氣氛,讓您跟親朋好友一起歡渡佳節!

 

12月24、25、26及31日期間,餐廳特設節日限定滋味禮遇,可以食到限定美食,仲有合家歡節慶活動,有聖誕老人派禮物、魔術表演同兒童合唱團,為你報佳音。

首輪冷盤:回本級靚海鮮

海鮮冷盤最考驗自助餐嘅質素同誠意,8度海逸嘅海鮮絕對係回本必選,即開生蠔更加係「蠔客」最愛。佢地嘅生蠔屬法國或美國品種,肉質肥美鮮甜,加上淡淡海水味,入口嫩滑無渣,令人大感滿足。除咗生蠔,仲有大大隻鮮蝦、翡翠螺、青口等,樣樣鮮美爽口,盡顯食材質素同誠意。

節日滋味:香烤火雞X 限定美食

講到聖誕節美食,好多人都會諗起大大隻嘅火雞,8度海逸特別推出釀入栗子配料嘅傳統聖誕燒火雞配金巴利汁,金黃色嘅外表加上滋味火雞肉,帶俾食客視覺同味覺雙重聖誕享受。

節日限定美食仲有和牛刺身、法式海龍皇湯、日式串燒,重頭戲莫過於香煎鵝肝伴黑松露汁。以「桌上鑽石」黑松露配上由法國進口嘅鵝肝,入口外脆內軟,黑松露香氣撲鼻,層次豐富,仲要件件厚切,唔洗天價都有頂級享受。

指定日子嚟食自助晚餐同宵夜自助餐就更有口福,因為每人會送一客酥皮焗鵝肝醬牛柳配黑菌汁,或酥皮焗菠菜魚柳,或酥皮焗黑松露野菌雞胸。最為人熟識當然係Gordon Ramsay名菜威靈頓牛柳啦!香脆酥皮包住熟度啱啱好嘅牛柳,加埋鵝肝醬同黑菌味,惹味非常。


應節甜品點綴聖誕夜

一個溫馨甜蜜嘅聖誕夜點少得甜品呢?8度餐廳有多款精緻應節甜品,聖誕樹頭朱古力蛋糕、玉桂蘋果撻、朱古力慕絲餡餅等,仲可以試埋季節限定口味嘅Häagen-Dazs雪糕同特色窩夫,以滿滿嘅甜美幸福感,點綴聖誕夜。

 

資料來源︰8度海逸酒店

歡迎你 like 我哋 U Food Facebook Page / U Food Instagram ,取得我哋更新更快嘅資訊!

【葵涌美食】葵涌新商場life@KCC4間特色餐廳推介 外帶兩層Hi-Tea架/鰻鰻燒蛋包飯/牛油果多士

免費登記成為U Lifestyle 會員
即時接收最新資訊並盡享獨家優惠

more