芝士火鍋同朱古力火鍋就聽得多，兩樣一齊食你又試過未？紅磡區的一間西餐廳Macaroni Dessert Bar，主打高質又新穎的菜式，最近聖誕就推出了辣芝士朱古力鴛鴦火鍋，一邊芝士加辣做的湯底，另一邊就用75%的朱古力醬煮成，一鹹一甜夠哂特別，今個聖誕一於和親朋好友一嚐火辣辣又甜甜蜜蜜的火鍋啦！
Macaroni Dessert Bar的辣芝士朱古力鴛鴦火鍋有不同鹹甜點，套餐份量算多，足夠兩個人開心share～
鹹點分別有北海道頂級帶子、鴨胸肉和煙火腿，全是配辣芝士醬。
甜點則有朱古力慕絲、棉花糖、密瓜、香蕉、士多啤梨及乳酪脆脆，配朱古力醬。另外仲有麵包可以沾喜歡的醬汁來吃。
食鹹甜點之前，可以先食沙律菜作前菜。
北海道頂級帶子大大粒，肉夠厚又鮮甜，配熱辣辣芝士醬，味道特別。
火腿也可以跟個人口味作前菜食，但作為一個芝士狂熱，絕對會將火腿配辣芝士火鍋，食盡芝士醬。
鴨胸肉十分juicy！當切落鴨胸肉時，肉汁流出，好吸引！
至於甜點的重頭戲是朱古力慕絲，朱古力慕絲質感軟滑，店舖故意將慕絲雪到比平常更冰冷，再點熱辣辣的朱古力醬，冷熱交溶，朱古力醬在慕絲外層會凝固，做成朱古力脆皮。
有不少人都會很怕食朱古力甜品味道會太甜，但這間店會將朱古力醬調到75%，甜度剛剛好，不會過甜，也不會有苦澀味。
甜點更有多款生果，士多啤梨及香蕉與朱古力都是絕配。沾完朱古力醬可再沾酸酸的乳酪脆脆，增添口感。
店舖環境是簡約歐陸風，已經開始有聖誕裝飾，充滿氣氛。
Macaroni Dessert Bar 辣芝士朱古力鴛鴦火鍋套餐
價錢：$288
地址：紅磡蕪湖街179號地舖(港鐵何文田站B1出口，步行約5分鐘)
營業時間：星期一至星期日(12:00p.m. - 11:00p.m.)
