想食泰國菜不一定要到九龍城，最近泰國清邁的人氣過江龍麵店「Crazy Noodle」進駐天后，餐廳主打秘製冬蔭功湯底，以自創撞湯手法炮製，湯底味道濃郁有層次，非常惹味。餐廳更推出香港限定的冬蔭功撈麵，蛋麵有陣陣蛋香，酸辣開胃。除了多款麵食外，店舖還有供應泰式小食，愛食泰國菜的朋友可以一試！
冬蔭功招牌海鮮麵 （$88）
有齊多款海鮮，包括青口、大頭蝦、魷魚等。
秘製冬蔭功湯底是餐廳的一大賣點，湯底用自創撞湯手法炮製而成，味道濃郁，酸辣味有層次，夠哂惹味。
冬蔭功炸雞扒麵 （$58）
加入椰子酸辣湯，散發淡淡椰子香，這款湯底比冬蔭功更為香辣呢！
金邊粉口感帶點煙韌，好索汁。
香港分店限定的冬蔭功撈麵 （$58）
蛋麵入口有蛋香，配上酸辣的冬蔭功汁，醒神開胃。
豬肉丸和魚餅煮得入味，帶濃郁冬蔭功味。
泰式Nacho （$25）
炸雲吞金黃香脆，加上辣肉醬好香口。
想食地道泰國菜的朋友別錯過這餐廳呀～
Crazy Noodle
地址：天后清風街17號地下
營業時間：星期一至日 12nn - 9:30pm
電話：2688 0500
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
