冬日暖笠笠之選 米線陣麻辣番茄湯

發佈: 2018.12.14
文: U Food

根據非正式統計,面對天氣急降嘅最佳保暖方法,梗係食辣嘢暖胃啦!唔使下下都要去打邊爐咁大陣仗,行去食碗熱到出晒煙嘅米線,即時由外暖到入心!米線陣自家研發嘅招牌秘製湯底「麻辣番茄湯」,酸甜得黎又帶啲微辣,飲一啖湯即刻勁開胃!

 

麻香微辣 麻辣番茄湯底

坊間食嘅米線湯底,食嚟食去都係清湯、麻辣、酸辣,係咪開始有啲悶呢?唔好話我獨食,即刻介紹個Best-Kept Secret畀你!米線陣自家研發嘅招牌秘製湯底「麻辣番茄湯」,先用上花椒及辣椒乾等多種辛辣香料,熬製成四川麻辣湯。再加入每日以新鮮番茄熬製而成嘅番茄湯,麻香微辣又帶番茄嘅酸甜,湯底仲有粒粒番茄肉,令人愈食愈開胃。

 

喂,湯底已經鎖定係「麻辣番茄湯」,下一步梗係要揀配料啦!米線陣有數十款手工配餸界你慢慢挑選。你有選擇困難?幫你推介返啦!

 

麻辣番茄美國肥牛魚腐米線

人氣NO.1嘅「麻辣番茄肥牛魚腐米線」, 用咗嫩滑嘅美國肥牛,放湯一煮即時令麻辣番茄湯更鮮甜!軟滑魚腐再配上彈牙米線,簡直係絕配!

 

冬日暖笠笠之選 米線陣麻辣番茄湯

麻辣番茄鹵水豬大腸金菇雲耳米線

豬大腸鹵得夠入味,仲有陣陣鹵水香料味!加埋金菇同埋雲耳,加添爽脆口感!

 

冬日暖笠笠之選 米線陣麻辣番茄湯

麻辣番茄鮮蝦雲吞魚蛋金菇米線

大大粒嘅鮮蝦雲吞,咬落有爽彈嘅大蝦,感覺好滿足!

 

麻辣番茄香酥豬頸肉墨魚丸金菇米線

鐘意食香口嘢嘅你,唔好錯過米線陣嘅香酥豬頸肉。豬頸肉炸到外脆內軟,油脂甘香,同麻辣番茄湯特別夾!

 

全新登場創新小食

冬天特別易見肚餓,想豐富啲?一於嗌埋兩款全新登場嘅麻辣小食!

冬日暖笠笠之選 米線陣麻辣番茄湯

醋香麻辣番茄

襯返個「麻辣番茄湯」,呢個小食係將番茄浸於香醋中,再淋上麻辣醬,比你一次過感受麻辣、酸甜、清爽嘅感覺!

 

冬日暖笠笠之選 米線陣麻辣番茄湯

胡麻冰菜車厘茄

冰菜口感爽口脆身,配以酸甜清新嘅車厘茄,再MIX埋惹味嘅胡麻醬汁,好味呀!

 

而家嚟米線陣食嘢仲有優惠!《Mixian Club米線會》會員由即日起至12月20日,可以用低至半價食到全新「麻辣番茄湯底」系列特選產品,仲唔快D約埋朋友一齊食啦。

(*優惠須受條款及細則約束,詳情請向分店職員查詢。)

 

資料由客戶提供

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more