澳門這間有60多年歷史的馳名老字號「泉記喳咋」又稱「喳咋泉」，雖然小店以出品喳咋自居，但其限量供應的古早味炭烤格仔餅（夾餅）亦相當聞名，每日開賣時總能吸引到大家不惜排長龍要食這款熱哄哄的即製炭燒格仔餅。老闆純熟地不斷烤餅，被風掠過而火花四濺的炭爐不時飄出陣陣炭火蛋香，秋冬時趁熱食份暖烘烘的格仔餅實在是最好不過呢～
老闆烘餅功夫熟練迅速，先把炭爐燒到熱燙燙，客人下單後即場把原隻雞蛋打入粉漿中拌勻並倒入餅模烤，將格仔餅修邊後塗滿花生醬、煉奶、牛油，還有特意混合黑白芝麻的砂糖，令格仔餅食落層次更豐富。
炭燒格仔餅 （MOP20）
每份格仔餅用上原隻雞蛋，沒有溝稀蛋漿，製成的格仔餅色澤金黃，帶濃濃蛋香。夾餅鬆軟煙韌，有花生醬甜香味，一口咬下還有砂糖的沙沙口感，好香口。喜歡多醬的朋友可加MOP5，格仔餅味道會更濃厚。
↓點擊圖片放大↓
由於格仔餅都是即叫即製，準備需時，老闆只在星期一至五4:30開賣，每日新鮮調配好一大桶粉漿，通常不消3小時便已售馨，想食的朋友要早點到才不會錯過呀！
喳咋 （MOP18）
喳咋以紅腰豆、西米、麥米、芋頭等煮成，可按個人喜好另加淡奶，味道跟紅豆沙有點相近，豆類不腍亦不過硬，入口可食到豆類的質感，不死甜，相當受老一輩客人歡迎。
↓點擊圖片放大↓
老店還有供應多款中式糖水，如海帶綠豆沙、芝麻糊、腐竹雞蛋糖水等，可加湯丸，價錢親民，愛食懷舊中式甜品的朋可以試試。
↓點擊圖片放大↓
泉記喳咋
地址：澳門新橋（三盞燈／白鴿巢）新橋美副將大馬路12號地舖
營業時間：星期一至日 4:30pm - 7:30pm
