冬天天氣凍，當然想吃些熱辣辣的食物暖下身，不過食雞煲、燒肉就不適合一眾素食人士。其實素食者亦有很多不同選擇，打邊爐、煲仔飯一樣可以純素！今次就為大家介紹3間提供冬日美食的素食餐廳，未去過都可以試下！
1. 純素火鍋
火鍋不一定要有肉，其實菇菌、蔬菜等亦是打邊爐必食之選，純素餐廳「心齋」今個冬天就再度推出火鍋，四格火鍋任食超抵，就算不是素食者也要去試試！
心齋冬日晚市任食火鍋無限時任食，一共5款湯底選擇，可選一個口味、鴛鴦鍋及四寶鍋。任食配料有豆製品、蔬菜、素丸、粉麵及菇菌，款式超過50款。
2. 全素煲仔飯
冬天又點少得暖笠笠的煲仔飯？灣仔「來佬餐館」就推出了煲仔飯系列，更新加入了兩款素食煲仔飯，連素食者都食到喇！
兩款煲仔飯配以Omnipork新豬肉製成的素肉餅，加入松露野菌及梅菜，味道像真。
3. 薑主題素食自助餐
冬天除了吃火鍋、煲仔飯這些熱辣辣的食品外，另一樣要吃的，就是有驅寒作用的薑，人氣素食自助餐「走肉‧朋友」最近就推出新主題「夠薑．找素」，以薑入饌創造多款菜式。
有素薑醋、沙薑油素雞等薑主題菜式，亦有其他素食自助餐常設菜式，想吃的朋友記得打電話book位！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
