白米腸粉就食得多，以紅米和黑米石磨製成的腸粉大家又試過未？觀塘有間腸粉店「鳳鳴石磨腸粉」新開張，小店主打自家製石磨腸粉，還有坊間少見的紅米腸粉和黑米腸粉，腸粉全都是即製即蒸，新鮮熱辣，另可加配雞蛋、粟米、菜脯、蟲草花和椰菜，配搭出個人口味。腸粉店試過一日賣出600份皺皮腸粉，可見深受附近街坊捧場呢！
腸粉店由三位80後年輕人打理，其中一位店主有10年任職中菜廚師的經驗，他希望能藉著傳統手法加上新鮮食材為讓大家一嚐廣東風味的石磨腸粉，而且石磨處理下可大大減少米的營養流失，較為健康。
師傅會先把米浸過夜，翌日清晨便開始磨米漿，新鮮製造不留過夜，否則米漿會變酸。
腸粉都是即叫即製，把米漿及配料放進櫃桶式蒸爐中蒸好，再剷起粉皮上碟，皺皮腸粉就大功告成。
腸粉選用白米舊米的米碎米碌，因其黏度較新米低，製成的腸粉不會變得過黏漿口，而且更帶米香。至於黑米和紅米則分別來自黑龍江和泰國。
招牌石磨雞蛋豬肉腸粉 （$22）
客人可按個人喜好澆上豉油，再加上自家炒香的芝麻、炸蒜、石磨辣椒粉和芫茜，令味道更香口。
小店設有小型石磨機讓客人落手落腳把指天椒磨成辣椒粉。
腸粉滑溜有米香，內裡有上半肥瘦豬肉，不過味道略淡。
米漿磨得細滑。
石磨黑米栗米腸粉加蟲草花 （$25）
黑米腸粉雖然其貌不掦，但味道絕對有驚喜。
腸粉薄身通透，還可看到粒粒磨碎的黑米。
黑米和紅米含有較多纖維，米漿要反覆打磨二至三次才能變得滑身。
石磨紅米豬潤腸粉加雞蛋 （$29）
豬潤味道甘香。
紅米腸粉口感軟滑，較白米腸粉黏身。
腸粉加底$6，另可加$6配羅漢果茶或豆漿。
羅漢果茶 （$10）
羅漢果茶味道微甘，可以生津止渴。
想食地道石磨腸粉的朋友以後又多個掃街選擇啦～
鳳鳴石磨腸粉
地址：觀塘開源道68號觀塘廣場地下G34號舖
營業時間：8am - 9pm （逢星期日休息）
電話：2488 6928
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
