大角咀這一區都隱藏住不少平民美食,當中有間腸粉專門店「小廚坊」鋪面雖小,但每日早上都有不少熟客排隊買外賣。小店主打即叫即蒸腸粉,保證熱辣辣出爐,而且只需$20就食到。腸粉皮薄適中,非常足料!除了即製腸粉外,小店每日還會新鮮煲不同款式的老火粥。老闆一家都注重健康,堅持製作食物時不添加味精,大家可以放心食用~
牛肉腸粉 ($20)
採用鮮牛肉,肉質鮮嫩。
腸粉皮薄適中,入口好滑溜。
蝦米瘦肉腸粉 ($26)
腸粉餡好足料,帶點蝦米鹹香。
牛腩撈麵 ($35)
麵底沒用公仔麵而是選用淮山麵,麵質較爽口。撈麵再淋上牛腩汁,特別惹味!
牛腩份量都算多,肉質軟腍入味。
而食店每日提供不同自家煲製鮮老火粥。當日就有皮蛋瘦肉粥($20),粥底軟綿。
下次去大角咀食碗熱騰騰的粥和腸粉也不錯呢!
小廚坊
地址:大角咀博文街22號地下C號鋪
營業時間:星期一至日 7am - 4pm