杏花新城金豬團年飯攻略!好意頭+好優惠
Mr.Crab by The Captain’s House變奏海鮮起熱浪

杏花新城金豬團年飯攻略!好意頭+好優惠

發佈時間: 2019.01.31
文: ufood
  • 1,000次
    分享

就快就到年三十食團年飯,仲煩緊去邊好?未決定好都唔洗怕,跟住以下推介,大家就可以喺杏花新城搵到又抵食,又好意頭的團年飯之選,由最多人揀嘅中式,以至年輕家庭會揀嘅西式甚至係日式都有,一齊睇吓以下精選,同屋企人食一餐開心「豚」年飯,過一個金豬年啦!
 

傳統港式美食「龍鳳店」

「龍鳳店」杏花新城嘅新店結合傳統感覺的壁畫及時尚的設計嘅裝潢,以『傳統不守舊,創新不忘本』嘅宗旨,提供傳統港式美食,佢賀年菜式同樣咁港味。推介菜式包括有令人回味嘅懷舊菜焗魚腸,魚腸肥美爽口,加上軟滑的雞蛋及香口嘅油條,後生仔一定要試依個傳統港味!而紙包骨亦是現在不易嘗到的傳統菜式,將腩排醃過之後用牛油紙包好再炸,保留原汁原味,肉質軟滑惹味又多肉汁,另外仲有家郷煎藕餅、胡椒豬手煲等等,如果想爸媽回味從前滋味,絕對是好選擇!

位置:杏花新城地下G34-G36號鋪
訂座電話:28979722
 

北海道旭川老店Baikohken 梅光軒」

如果人少少又唔想叫太多嘢食,不妨選擇最新進駐杏花新城嘅「Baikohken 梅光軒」,佢來自北海道旭川,約有50年歷史,招牌No.1拉麵首推炙燒叉燒拉麵,嚴選五花肉炮製的叉燒,以炙燒方式逼出油份,既惹味又唔會有油膩感。另外更加有杏花新城店限定嘅蝦魂拉麵,佢係用超濃郁蝦湯配上掛湯能力強勁嘅自家製拉麵,兩者係絕配,口感味道一流!另外用日本食材製造嘅日式賀年糕點,好似日本大根蘿蔔糕、沖繩黑糖年糕同北海道十勝紅豆糕,多到唔知點揀。

豚年賞你:年初一至初四惠顧任何拉麵一碗,均可獲赠利是一封,數量有限,送完即止。(每封利是内有不同金額的免費食品或飮品,於下次惠顧時换領)。

位置:杏花新城地下G39B
訂座電話:34898078
 

食生蠔!成年都好「Oysters Princess

愛食海鮮?就要選擇去同樣新進駐杏花新城嘅「Oysters Princess 」,以生蠔作為主打,提供大家最時令當造肥美嘅生蠔。而西餐同樣推出$888金豬報喜4人套餐,由「風山水起 - 撈起(三文魚,油甘魚,北寄貝,蟹籽,蟹棒,玉子及青瓜) 」、「鮑羅萬有 - 海鮮冷盤(鮑魚,阿拉斯加蟹腳,海蝦,海螺及大蜆) 」、「盤滿缽滿 - 燒烤拼盤(燒生蠔,燒白鱔,燒牛脷芯及燒冬菇) 」到「家肥屋潤 - -豚肉雜菜炒烏冬 」以及以「步步高陞 - -日式奶凍」作結,大家預備團年飯要抱住個肚走啦!

位置:杏花新城地下G53B號舖
訂座電話:26681181
 

發財一盅兩件「譽點

到「譽點」最愛的當然係叫到全桌一籠籠點心啦!特別為了金豬新年,由2月5日(年初一)至2月11日(年初七),「譽點」仲會推出恭喜發財點心,有「豐收年年-豐料蘿蔔糕」、「步步高陞-養顔紅棗糕」、「金銀滿屋-蓮蓉煎堆仔」、「恭喜發財-發財好市大利」、「横財就手-南乳炆豬手」及「笑逐顏開-蝦子鮑貝燒賣」,通通咁好意頭,每碟都係$24起,開年時候,朝早飲個發財早茶都開心!

位置:杏花新城地下G57號舖
訂座電話:28981211
 

加餸金豬獻瑞「泰國人海南雞

今個豬年「泰國人海南雞」,特別推出喜迎春孖寶,分別係泰式金豬獻瑞泰式豬手(單點價$118)以及泰式雞鳴春報-泰式海南雞(單點價$$172),大家如果要加餸就一定要食啦,而且只要喺1月30日前預訂孖寶,就可以用優惠價$228購買,1月30日後現貨價要$258,大家提早訂就最精明!

 

位置:杏花新城地下G48號舖
訂座電話:28702196
 

鮮味夠濃!團年最紅「名苑」

如果爸媽傳統團年要到酒家食飯,「名苑酒家」農曆新年嘅「嘻哈大笑-蜂蜜柚子明蝦」、家肥屋潤-厚切义燒皇」以及「好市大利-發菜蠔豉」一定可以滿足到你!而且由即日至2月31日仲會供應鮮味濃湯海鮮匯,有生猛波士頓龍蝦壹隻(約一斤),游水沙巴海花斑壹條(約一斤)及活肉蟹壹隻(約12兩)、花甲),早一日預訂就可以以用超抵價$428/份食到啦!

位置:杏花新城1樓133-135號舖
訂座電話:28897633
 

同場仲有!

另外「日牛涮涮鍋專門店」為慶祝金豬年,惠顧任何套餐,就可以用 $88 (每碟) 追加人道飼養、無激素、豬肩肉味道天然嘅「加拿大自然豬」。
 

「日牛涮涮鍋專門店」
位置:杏花新城2樓209號舖
訂座電話:35861964
 

而2月5日至7日去「一粥麵」任何消費,都會賞你利是一封,今個新年去杏花新城過年,包大家成年都咁富足!
 

「一粥麵」
位置:杏花新城地下G38號舖
電話:24623081

杏花新城
地址:港鐵杏花邨站
美食詳情:https://www.paradise-mall.com.hk/tch/pm/dining/list

以上資料由杏花新城提供。

歡迎你 like 我哋 U Food Facebook Page / U Food Instagram ,取得我哋更新更快嘅資訊!

免費登記成為U Lifestyle 會員
即時接收最新資訊並盡享獨家優惠

 
Mr.Crab by The Captain’s House變奏海鮮起熱浪

免費登記成為U Lifestyle 會員
即時接收最新資訊並盡享獨家優惠

more