每次提起麥當勞甜品，都會令大家諗起以前麥旋風可以選擇聰明豆或曲奇口味，自從麥當勞將聰明豆麥旋風下架後，大批粉絲都表示失望，偶爾都會有網民討論，再掀起麥旋風話題。
最近連登討論區就有網民分享因為麥旋風而激怒女友之事。該名網友和女朋友到麥當勞買雪糕時，巧遇前面的一對情侶買麥旋風，該對情侶點了麥旋風走曲奇，正當事主不解之際，前面情侶中的男士就拿出包聰明豆，原來這對情侶自備「聰明豆麥旋風」，其後事主的女友就因自己吃不到聰明豆麥旋風而不滿。
不少網友指女友食唔到聰明豆麥旋風就發脾氣，應該與她分手，又叫事主下次記得帶包聰明豆出街，更有人笑指「係咪出街要帶埋四方果、戒指糖先得掂」。
事情未完結，原本事主只想在討論區與網友們分享，結果居然引來一女網友「相認」。該女網友張貼一張朋友Facebook的圖片，指自己帶了一包聰明豆去買麥旋風走曲奇，店員更好心幫忙將聰明豆放進麥旋風裡攪勻。
連登網民都指「世界真係細」、「連登仔真係滿天下」，居然這樣也能遇到。
不過大家唔好有樣學樣，帶包聰明豆麻煩店員喇～
資料來源：連登討論區
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
