上堂未試過偷食點叫做過學生? 網民:那些年道行夠高仲可以打邊爐

發佈: 2019.03.10
文: YY

諗起中學那些年的回憶都仍然記憶猶新,讀書時期相信大家都會唔守校規,在上堂時偷偷地做其他事。很多人都試過將耳機放進冷衫內,托起腮來偷聽音樂,而最多人試過的當然是偷食,但大家偷食水平又去到幾高超呢?

網民就列舉他們曾在課堂上偷食過的食物,你又試過邊幾樣?測試一下自己道行去到邊啦~

 

Level 1:糖果類

【童年回憶】上堂未試過偷食點叫做過學生?  網民:那些年道行夠高仲可以打邊爐

糖果、香口膠這類細細粒又無香味的食物就最啱新手入門,只要掌握好時間點,老師一轉身就可以輕輕鬆鬆食到~

 

Level 2:飲品類

【童年回憶】上堂未試過偷食點叫做過學生?  網民:那些年道行夠高仲可以打邊爐

紙包飲品的大小簡直是與櫃桶的size完全吻合,相信不少人都試過放一包紙包飲品在櫃桶邊間唔中拎出來偷飲。更有網民表示會在檯上挖一個洞,然後飲管由洞口插入櫃桶內的飲品,想飲只要伏在檯邊就可以,不過手法咁高階,真係唔係人人做到。

 

Level 3:小食類

網民亦盤點出不同的小食,如紫菜、餅乾、薯片等,都是偷食常見的食物。不過薯片這類會發出聲響的食物就需要一定程度的技巧,由打開包裝到放入口的聲量都要收細,否則老師聽到一轉身就收都收唔切。

 

 

Level 4:熱食類

【童年回憶】上堂未試過偷食點叫做過學生?  網民:那些年道行夠高仲可以打邊爐

早上、小息、午飯時不少人都會落樓下小食部買魚蛋、燒賣,不過食唔切就唯有帶上課室。這些熟食又香又會出煙,坐前少少都食唔到。

 

 

Level 5:粥粉麵飯類

【童年回憶】上堂未試過偷食點叫做過學生?  網民:那些年道行夠高仲可以打邊爐

不少網民都指曾試過偷食杯麵、飯盒,試過放上檯食,更試過放在保溫壺內偷食。有網民就表示曾試過放湯入櫃桶,結果老師就問為甚麼其櫃桶會出煙。

 

 

Level 6:打邊爐

終極Boss竟然係食火鍋?有網民表示曾試過在課室後排打邊爐,不過究竟要同老師關係幾好,先可以在課室裡打邊爐?

 

資料來源:一人一個以前中學上堂偷食嘅野@連登討論區

圖片來源:株式会社ヤクルト本社 公式チャンネル

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more