佐敦貓山王榴槤甜品店　全港首創開心果榴槤雪糕／布甸燒／燉蛋

榴槤控注意啦！佐敦有間樓高三層的榴槤甜品專門店「老樹琛榴槤」，小店主打多款貓山王榴槤甜品，包括布甸燒、芝士撻、雪糕、蛋糕等，選擇眾多。店鋪採用馬來西亞柔佛州自家果園種植的榴槤，空運直送到港，夠晒新鮮。榴槤迷更可以試試貓山王Tea Set，一次過食勻4款招牌甜品，好滿足！

客人在底層購買甜品後，可到上層坐下慢慢歎甜品。

即開即食的原粒貓山王榴槤　（銀點 $450｜藍點 $550｜金點 $650)

貓山王Tea　（$175）
共有4款招牌甜品，包括特濃貓山王蛋糕、法式貓山王燉蛋、馬卡龍和北海道貓山王雪糕。

特濃貓山王蛋糕　（$45）
迷你版榴槤的造型，食落除了有榴槤味，還散發斑蘭清香。

法式貓山王燉蛋　（$40）
食到絲絲榴槤果肉，燉蛋亦入口香滑。

北海道貓山王雪糕

貓山王芝士撻　（$25）
熱食凍食均可，撻底內先鋪上榴槤果肉，再加日本芝士漿焗製。

趁熱食還有澎湃流心效果！

貓山王葡撻　（$30）、榴槤酥　（$15）

貓山王布甸燒　（$45）
以榴槤果肉、布甸和焦糖製成，口感滑溜，但榴槤味沒那麼突出。

首創開心果榴槤雪糕　（$60）
雪糕份量頗多。

榴槤雪糕　（$45）
雪糕入口有好濃榴槤香。

貓山杯　（$45）
戚風蛋糕內有貓山王醬，另可加配雪糕，口感更豐富。

榴槤瑞士卷　（$45）
卷蛋有原味榴槤、咖啡榴槤、紫薯榴槤等口味，蛋糕口感軟熟。

榴槤造型蛋糕是店舖的人氣甜品，想食的朋友要提早3日前預訂。

甜品店一大亮點是這款榴槤花束，真的用上原個貓山王榴槤插花，至適合送給榴槤控朋友！

鍾意食榴槤的朋友，不妨妨試試這家新店啦～

老樹琛榴槤
地址：九龍佐敦白加士街105號  
營業時間：星期一至四　12nn-1030pm；星期五至日　12nn－11:30pm
電話：2886 5573