每逢週末假日，女生們都喜愛相約朋友閨蜜共歡暢聚，歎下午茶就最適合不過。最近，尖沙咀新開一間主打英式下午茶的餐廳，裝潢以維多利亞建築風格為藍本，配合典雅的復古傢具，華麗氣派。餐廳招牌的傳統英式下午茶，賣相精緻，每款點心全人手製作，保證新鮮。一於趁假期和閨蜜化身淑女，歎番個正宗英式下午茶啦！
餐廳裝潢充滿復古宮廷風，傢具相當典雅，還有華麗的水晶燈吊飾，讓人仿如置身昔日古典優雅的貴族生活。2000呎的空間，到處都是打卡位！
餐廳還有室外露台，可遠觀周邊山林景色，相當寫意！
另有包房服務，感覺十分氣派。
皇牌英式下午茶
金屬三層點心架盛載9款鹹甜點，還有焦糖燉蛋和英式鬆餅。
頂層和中層都是甜點，而底層則是3款鹹點。Victorian Rose自設餅房，於客人約定時間前30分鐘或入座後即叫即製，務求讓客人品嚐到最新鮮、最好的口感。
伯爵茶戚風蛋糕，入口鬆軟濕潤，茶香濃郁，焦糖醬質感柔滑。
拿破崙，非常鬆脆。
歌劇院蛋糕，朱古力味相當濃郁。
士多啤梨吉士撻，士多啤梨大大粒，香甜多汁。
意式奶凍，口感滑溜，加入杏仁酒，食落有啖啖酒香。
軟心朱古力撻
焦糖燉蛋，蛋味香濃，好creamy。
香煎蟹肉餅，十分足料，食到啖啖鮮甜蟹肉。
迷你牛肉漢堡
蜜瓜帕馬火腿
英式鬆餅配自家製果醬
下午茶有四款英式茶選擇：辛香的伯爵茶、蜜桃茶、甘醇的錫蘭茶和有機乾玫瑰花茶，每種各有特色，茶味香濃。
另外亦有數款特色飲品提供，造型吸引。
Princess Victoria $68
以新鮮士多啤梨及乳酪打造，淡淡粉紅色，口感幼滑細緻，充滿香甜濃郁的鮮果味。
Queen Victoria $68
色彩繽紛，陣陣荔枝酸甜味，入口清涼，開胃之選。
除了皇牌英式下午茶，餐廳另一招牌是焦糖海鹽伯爵茶戚風蛋糕，採用天然食材，以手工製做。
焦糖海鹽伯爵茶戚風蛋糕 $468 (6吋) / $980 (8吋)
伯爵茶味香濃，蛋糕鬆軟，焦糖醬好creamy。
特別版伯爵茶戚風蛋糕 The Crown $880 (8吋)
金黃色的玫瑰唧花，加上白珍珠造型朱古力和金箔點綴，外型華麗高貴。
Victorian Rose Tea Room
地址：尖沙咀山林道38號銀座17樓全層
價錢：$298(1人) / $568(2人)
營業時間：星期二至日 12:00pm-10:00pm
下午茶供應時間：星期二至日12:30pm至6:30pm
電話： 2789 1999 / 9744 0188（whatsapp）
