提起炸雞很自然就會想起總有一間在左右的連鎖快餐店KFC肯德基，炸雞外皮炸得香脆，內裡肉質嫩滑多汁，聞起來香噴噴，未食已經流晒口水！肯德基KFC家鄉雞就食得多，但其實食雞都有竅妙！最近日本KFC公佈了「最完美食雞」秘訣，各位KFC迷要留心齊齊學正確食法，以後化身「為食雞專家」！
延伸閱讀：
家鄉雞肉部位
家鄉雞共分為9份，分別有一件雞胸、兩件雞翼、兩件雞上髀（雞腰）、兩件雞髀和一件雞肋。
1. 雞胸
雞胸肉質軟腍，可從中間著手，先撕開雞皮，拔走中間兩條小骨，再從軟骨撕開雞胸肉慢慢食。
2. 雞翼
雞翼含豐富骨膠原及脂肪，味道較為濃郁。先食連接雞翼的胸肉，然後將雞中翼跟雞翼尖向內折曲分開，再移開雞翼尖內的骨頭。
3. 雞腰（雞上髀）
雞上髀肉質嫩滑，稍微用力去掉突出的大腿骨即可食用。
4. 雞髀
雞腿啖啖肉，只要拿起雞髀骨兩邊就可以大口大口享用啦！小秘訣：扭開雞髀關節可食到軟骨～
5. 雞肋
先食雞肋背骨外側的部分，再食剩下肉，還可細味吮食肋骨的雞汁精華。
圖片來源：日本KFC
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
