台灣人氣純天然健康鮮果飲登陸銅鑼灣 火龍果雲朵沙冰／草莓奶蓋歐蕾

飲厭黑糖珍珠奶茶，想轉轉新口味？台灣這間人氣水果特飲「樂法 Le Phare」主打純天然健康鮮果飲，近日就宣佈登陸香港，今個4月於銅鑼灣開設首間分店，鍾意水果的朋友唔好錯過啊！

鮮果飲料店「樂法」將不同水果加入茶飲、牛奶、沙冰等，杯身簡約，飲品顏色夢幻，啱哂女士們打卡！

水果本身鮮甜，所以小編建議可以叫半糖/少糖，品嚐水果原有的清甜味道，依家就率先睇睇5款人氣飲品：

火龍果雲朵沙冰 ($49/大)

用紅火龍果肉打成沙冰，中間加入乳酪，火龍果味好重，配乳酪亦好夾！

草莓奶蓋歐蕾 ($35/中；$49/大)

士多啤梨烏龍茶配上奶蓋，奶蓋不像其他茶飲店一樣加芝士，奶味比較重。

玫瑰檸檬蘆薈 ($40/大)

用上玫瑰、檸檬、蘆薈、蔗汁及蜂蜜，味道酸酸甜甜多層次。

決明子珍珠奶茶 ($25/中；$31/大；$25/熱)

決明子味道像咖啡，入口有淡淡碳焙味～

蘋果鮮綠 ($30/中；$38/大；$30/熱)

用了3個蘋果製成，味道清甜，夠哂fresh！

試業期間更有優惠，只要關注「樂法香港 Le Phare」微信公眾號，就可享指定飲品買一送一 (蘋果鮮綠、火龍果雲朵沙冰)。

店舖更有微信儲印花卡，每買一杯超過$30的飲品即可獲一個電子印花，儲齊10個就獲得$30現金券一張。

樂法

地址：銅鑼灣渣甸街46-53號渣甸中心地下C舖

開幕日期：2019年4月9日

營業時間：早上11時至晚上10時

*試業期間(2019年4月3日至8日)，只要關注「樂法香港 Le Phare」微信公眾號，可享指定飲品買一送一 (蘋果鮮綠、火龍果雲朵沙冰)優惠。