用心製作 好有Heart嘅茶餐廳 敏華冰廳

發佈: 2019.04.12
文: U Food

經過銅鑼灣總統戲院附近,發現喺港九新界開咗11間分店嘅敏華冰廳,最近係銅鑼灣景隆街開咗第12間分店!貫徹香港特色嘅冰室文化,仲強化咗香港最愛嘅多款美食嘅口味。

自家製厚切叉燒

第一個必食推介,就係「敏華黯然銷魂飯」!雖然,佢講到尾係一碟叉燒煎蛋飯,但佢同一般茶餐廳嘅叉燒煎蛋飯又絕對有分別。敏華嘅叉燒係用上厚切梅頭豬肉,梅頭豬肉肉質夠腍軟、脂肪均稱兼無筋,每啖咬落去都係有嚼勁。最令人驚喜嘅係,大廚深知港人口味,叉燒都會帶點「焦香」,真係啖啖香口。配搭埋半熟流心荷包蛋,食嘅時候要篤穿蛋黃,流到飯粒之間,加埋佢哋自家製嘅頭抽同香蔥油,與金鳳香米混為一體,滋味無窮,食得好滿足。

「敏華黯然銷魂飯」

一定記得要狠心拮穿隻蛋,等啲蛋黃滲入熱飯先係最高享受。

超夠薑味豬膶湯米

另一推介係唔多人識嘅「夠薑豬膶牛肉湯米粉」,你會發現成個湯底真係好夠薑味。平時好多茶記只用少少薑絲配豬膶,但敏華就落足料,用小黃薑及豬膶煮湯。小黃薑體積相對較細,味道亦較辣較濃,具驅寒及去濕功效。而豬膶最緊要新鮮先會爽口,呢度嘅豬膶每日新鮮運到,加埋煮得啱啱好嘅滑牛,雙重口味。叫常餐仲會配炒蛋牛油厚多士㖭!如果唔食牛嘅朋友,亦可淨叫「夠薑豬膶湯米粉」。

用心製作 好有Heart嘅茶餐廳 敏華冰廳

「夠薑豬膶牛肉湯米粉」配炒蛋牛油厚多士

最驚喜一定係個湯,薑味甚濃,好多人連湯都清晒咁滯。加埋炒蛋厚多士同飲品,就係非常夠份量嘅常餐。

廣播提醒出爐蛋撻

敏華冰廳仲有一款熱賣推介,就係必食嘅蛋撻。酥皮蛋撻不斷新鮮出爐,每次數量唔多,但密密出爐,新鮮熱辣。最窩心嘅係每次蛋撻出爐前十分鐘都會有廣播提示,可以落定Order,十分鐘後蛋撻就送到面前!出爐時又會再次廣播,「提提你,小心辣親嘴仔呀」!蛋撻採用全蛋,並無加入牛奶,令蛋味更突出,敏華更以味道較清甜嘅冰糖取代一般砂糖,酥皮外脆內暖, 蛋味香濃,配埋唔加冰嘅原味凍奶茶,係3點3鬆一鬆嘅好選擇。如果想揀熱飲嘅話,可揀特飲「手拍有皮老薑煲檸樂」。呢排天氣忽冷忽熱,飲完真係全身暖晒。

用心製作 好有Heart嘅茶餐廳 敏華冰廳

新鮮出爐酥皮蛋撻

每隔一陣就會聽到新鮮蛋撻出爐嘅提示廣播,記得快手落Order,加埋外賣不斷,每次都好快沽清。

手拍有皮老薑煲檸樂

落足料,用小黃薑煲。有時外面落雨涼涼地,呢杯就好啱飲。

用心製作 好有Heart嘅茶餐廳 敏華冰廳

每間分店內都有香港特色做裝飾,仲會寫上分店地區名字。

用心製作 好有Heart嘅茶餐廳 敏華冰廳

敏華冰廳將港式飲食文化帶到港九新界。

敏華冰廳

銅鑼灣謝斐道 535 號 Tower 535 地下 G02 號( 2882 8676)

堅尼地城士美菲路43號美菲閣地下商場13號( 2367 2213)

太古城道12號衛星閣地下G1008-G1009 號(2623 2928)

銅鑼灣蘭芳道5號地下(2328 0676)

旺角通菜街 162 號地下(2319 2308)

旺角新世紀廣場MTR層M39號(2682 0612)

九龍灣德福廣場一期 F28 號(2366 2829)

新蒲崗太子道東 638 號 譽港灣Mikiki 商場地下 G35 號(2662 2060)

將軍澳新都城中心二期UG85號(2670 1191)

屯門海翠花園海趣坊1 樓64 號(2861 3230)

葵芳新都會廣場 1 樓 165 號(2887 2760)

馬鞍山新港城中心 2 樓 2106 號 (2626 0066)

 

Source: 敏華冰廳

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more