正在閱讀
Title
【澳門好去處2019】澳門美食嘉年華開鑼!4大精選掃街小食率先睇

澳門美食嘉年華開鑼!4大精選掃街小食率先睇

發佈: 2019.04.18
文: YY

復活節假期連放4日,飛唔到台灣日本去旅行?不如考慮下週末快閃去澳門玩返兩日!今年澳門美食嘉年華即將開鑼,美食街集結多間美食車仔檔。唔駛周圍走,掃盡各款地道街道小食,現場更有品酒區及街頭表演,未諗到今個weekend做咩的朋友仲唔約埋朋友過大海~

今年澳門美食嘉年華於百老匯美食街舉行,有多間美食攤檔,集結澳門及亞洲地道小食,今次就帶大家率先睇睇4款精選小食!

 

澤賢記 — 特色口味雞蛋仔

雞蛋仔老店澤賢記有75年歷史,麻糬雞蛋仔可能食過,但葡撻雞蛋仔 ($33)你又食過未?

傳統雞蛋仔裡放葡撻餡,啖啖蛋香。

 

咸蛋黃口味 ($31)亦受歡迎,每粒雞蛋仔有咸蛋黃粒,鹹鹹甜甜味道特別。

另有芝士、流心朱古力等口味。 

 

Phoenix.Lava — 雞仔流沙饅頭

Phoenix.Lava由泰國起家,短短4年分店遍佈馬來西亞、新加坡、越南、澳門。

仲有小雞造型,好可愛!

榴槤流心包 ($19)一咬湧出流心餡,帶榴槤香。

芝士培根流沙包 ($19)芝士味香濃。 

 

賞食 — 泰式炒雪糕

泰式炒雪糕即叫即炒,由新鮮水果製成,人氣火龍果口味 ($40)味道清新。

另有椰子味 ($40),雪糕加入蝶豆花令顏色變成淡淡藍色。

 

君濠美食 — 傳統瓦煲奶茶

澳門特色瓦煲奶茶 ($15)即叫即沖,加入淡奶口感香滑。

傳統手工馬仔($10/1塊;$30/4塊)

燒烤串即叫即燒~

 

美食嘉年華另有品酒區,有多款紅白葡萄酒、日本清酒,亦有手工啤酒。現場更有DJ打碟,遊客可以邊欣賞音樂邊歎美酒。

現場亦有Busking表演,指定時間亦有歌手和樂隊上台表演。

週末快閃去澳門玩時不妨去下!

澳門美食嘉年華@百老匯

日期:2019年4月19日至5月19日 逢星期五、六、日

時間:下午5時開始

地點:澳門百老匯美食街

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit飲食及生活資訊!

發表食譜

免費登記成為U Lifestyle 會員
即時接收最新資訊並盡享獨家優惠

more