最近香港掀起了一股石燒牛扒熱潮，繼深水埗和旺角後，現在到青衣城的日式餐廳「Tiger San」都可食到性價比超高的石燒牛扒！Tiger San由日籍大廚主理，炮製各款正宗日式料理，餐廳最近新推出火山石燒套餐，有熱石牛扒、和牛、牛脷、雞扒等選擇，足料大份，相當抵食。除了火山石燒套餐外，青衣Tiger San還有供應咖哩吉列豬扒滑蛋飯、溫泉蛋咖哩漢堡扒飯、豬骨湯拉麵、牛肉烏冬等，愛食日本菜的朋友下次到青衣時可以試試！
餐廳有多款日式料理選擇，包括火山熱石燒牛扒／和牛／牛脷／雞扒、咖哩吉列豬扒滑蛋飯、溫泉蛋咖哩漢堡扒飯、豬骨湯拉麵、牛肉烏冬等。
火山石燒和牛 （晚市 $188）
選用澳洲黑毛和牛牛扒，配上日本訂製的200°C高溫烤火山石，令牛扒能均勻受熱，不黏底。和牛粉嫩多汁，肉味濃郁。牛扒配有三款醬汁，分別有日籍總廚自家研發的秘製牛扒汁、蜜糖芥末汁和日式芝麻醬，惹味解膩。
火山熱石燒肉扒餐可加$30升級成套餐，包麵豉湯、沙律和白飯。
火山石燒牛扒 （午市及晚市時段供應 $88）
用上美國Prime級牛肩扒，肉質嫩滑，有咬口。Lunch Set另配麵豉湯和沙律，夠晒飽肚。
火山石燒牛脷 （晚市 $98）
火山石上堆滿薄切牛脷，份量澎湃。牛脷加上蔥花，好香口。
吉列豬扒咖哩飯配炒滑蛋 （午市 $75 ｜ 晚市 $88）
選用本地豬里脊肉，吉列豬扒炸得金黃香脆，略嫌炸漿偏厚身，切下去時吉列外層會跟豬扒分離。咖哩味道甜中帶微辣，跟滑溜的炒滑蛋飯很夾。
左：抹茶紅豆沙冰 （$45）｜右：北海道牛奶Mocha沙冰 （$45）
Tiger San
地址：香港青衣青敬路 33 號青衣城 2 期 2 樓 226 號舖
營業時間：星期一至日 11:30am - 10:00pm
電話：2619 1018
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
