正在閱讀
Title
【尖沙咀美食2019】日本東京過江龍拉麵店居酒屋麺屋武一登陸尖沙咀 招牌雞白湯拉麵/醬油拉麵/鰻魚丼

日本東京過江龍拉麵店居酒屋麺屋武一登陸尖沙咀 招牌雞白湯拉麵/醬油拉麵/鰻魚丼

發佈: 2019.05.09
文: Kylie

愛食拉麵的朋友有好消息,事關又有多一間日本過江龍拉麵店登陸香港啦!發源自東京新橋的拉麵店居酒屋「麺屋武一」進駐尖沙咀,店舖主打濃厚雞白湯拉麵,還有香港分店限定的蔬菜拉麵和低糖質蒟蒻麵,讓素食朋友都可享用美味健康的拉麵。麵屋武一的雞白湯底均是從日本入口,加上同樣是日本入口的雞肉丸和雞髀肉叉燒,大家可原汁原味品嚐到正宗日式風味的拉麵,啖啖雞肉鮮味。以後除了食豬骨湯拉麵外,大家還可以試試高質的雞白湯拉麵~麵屋武一還有迷你鰻魚丼、章魚燒和煎餃子等小食選擇,愛食日本菜的朋友以後經過尖沙咀時有多個新選擇啦!

濃厚鹽味拉麵 ($88 | 加溏心蛋 $12 | 加紫菜 $10)
以新鮮雞隻、雞骨、昆布等熬製13小時成奶白色雞湯,濃稠Creamy,不過有點油膩。拉麵配上日本直送的雞肉丸和低溫燘煮至入味的雞腿肉叉燒,鮮味十足。幼麵掛湯,吸盡湯底精華,配上大量蔥和洋蔥,好香口。

濃厚醬油雞湯拉麵 ($88)
雞湯鮮美,還滲出陣陣醬油香醇味,層次豐富,難怪成為麵屋武一的人氣招牌拉麵。

濃厚辣味噌拉麵 ($95)
雞湯加入日本赤味噌和白味噌,香辣惹味,同時帶有淡淡雞的甜味。

東京醬油拉麵 ($78)
喜歡清涼點的朋友可試試淡醬油清雞湯底,加入雞骨、洋蔥、昆布等慢煮,雞湯清澈,富淡淡雞的鮮甜味。

蔬菜拉麵 ($80 | 轉低糖質蒟蒻麵 $10)
這款是香港限定拉麵,湯底以15種新鮮蔬菜煮成,有紅蘿蔔、粟米、香菇、椰菜、薯仔、薑等,味道清甜,追求健康和素食朋友都可放心享用。蔬菜清湯跟爽滑陣牙的低糖蒟蒻麵非常夾。

除了各款招牌拉麵外,麺屋 武一還有供應各式各樣的迷你丼飯和小食。

迷你鰻魚丼 ($60)、照燒雞丼飯 ($35)、雞肉蔥鹽丼飯 ($35)

鰻魚串 ($40/串)、免治雞肉串 ($18/串)
鰻魚頗為肥美,而免治雞肉加上醬汁燒烤,香氣四溢。

燒八爪魚丸 ($35)、雞腿肉串 ($20/串)、香辣雞翼 ($35)、炸雞 ($40)
雞髀肉肉嫩多汁,炸雞香脆。

炸餃子 ($38/5隻)、煎餃子 ($38/5隻)
餃子即叫即煎炸,皮薄而肉餡多汁。

味漬醃漬蒜頭 ($25)、中華海蜇 ($25)、薯仔沙律 ($28)
另有多款開胃小菜。

麺屋 武一
地址:九龍尖沙咀棉登徑13-15號白蘭軒道3號棉登大廈地下A鋪
前往方法:港鐵尖東站N1或N3出口,步行約2分鐘
營業時間:星期一至日 11:30am - 11:30pm (最後落單時間 11pm)
電話:2191 3570 (不設電話訂座)

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit飲食及生活資訊!

發表食譜

免費登記成為U Lifestyle 會員
即時接收最新資訊並盡享獨家優惠

more