正在閱讀
Title
【譚仔菜單】連登網友推介譚仔「secret menu」?走米線/撈米線 5大自創另類食法大公開

連登網友推介譚仔「secret menu」?走米線/撈米線 5大自創另類食法大公開

發佈: 2019.05.09
文: YY

譚仔相信是大家最愛的平民美食之一,不同辣度的米線、土匪雞翼、尖椒皮蛋,每次去唔駛睇menu都可以直接叫到。但你又知唔知譚仔原來都有secret menu?米爽、走湯你又試過未?早前連登就有網友開post「一人一個食譚仔嘅另類食法」,引來不少人討論自己創作的「譚仔secret menu」,一齊睇下有冇一款你試過!

 

小食+淨米

譚仔除了麻辣米線外,另一賣點就是不同的小食,土匪雞翼、蒜泥白肉,不過叫碗「墨演懶肉十小辣」再加其他小食,埋單閒閒地都50、60蚊。呢個時候就可以叫淨米再加其他小食,不過淨米一向都只可以選擇清湯,所以就要叫埋麻辣小食,如蒜泥白肉,然後再倒些麻辣汁到湯中,自製一碗麻辣湯米線。

 

米爽

少米減$1就聽過,米爽你又聽過未?有網友指原來譚仔可以叫「米爽」,食落更有咬口,平時嫌米線腍的朋友可以試試。不過就要小心未必間間分店質素都一樣,有網民試過叫「米爽」,米線硬到好似無煮過一樣。

 

撈米線

有不少網民都表示會叫「走湯」,原來是想吃撈米線,而撈米線的醬汁就可以叫跟餐的炸醬或者蒜泥白肉、麻辣豬耳的辣汁。

 

走米線

走韭芽就正常,走米線?原來之前曾有網民叫走米線,網民表示餸菜會增多。唔知幾時譚仔會有淨餸這個選擇呢?

 

外賣火鍋

不少網民都表示想去譚仔打邊爐,雖然譚仔及譚仔三哥目前都未有堂食火鍋,不過三哥就曾出post建議大家外賣自取,用三哥米線的湯底打邊爐,亦有不少網民曾試過表示正!

 

你又試過叫咩「secret menu」?

 

唔止secret menu,其實譚仔亦有secret spot,早前情人節譚仔三哥Facebook專頁推出十小辣朱古力,更推介一個有「無敵大海景」的分店,更笑言不設訂座。

另外譚仔三哥亦在尖沙咀開設全新旗鑑店,店內裝潢充滿有不同打卡位,譚仔三哥的fans一定要去潮聖下!

 

資料及圖片來源:連登討論區FB@譚仔三哥米線

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

發表食譜

免費登記成為U Lifestyle 會員
即時接收最新資訊並盡享獨家優惠

more