旺角古代客棧主題甜品店新開張 Cosplay扮還珠格格食麻雀椰汁糕/象棋奶凍/花雕醉雞翼

發佈: 2019.05.15
文: Kylie

最近旺角有間甜品店「雲來客棧」新開張,店舖以古代客棧為主題,環境古色古香,連店員都打扮成客棧小二,讓人彷如置身古代。客人更可免費大玩Cosplay扮皇上、朝臣大人、娘娘和還珠格格等古裝角色,享用各款搞鬼造型的中式糕點,夠晒過癮!甜品有自家製麻雀椰汁糕、象棋牛奶凍、芒果班戟燒賣、芋圓仙草等,喜歡打卡的朋友別錯過呀~

客人可以免費借用各款古裝玩Cosplay,店內有齊皇上、朝臣、娘娘、還珠格格等服飾,連囚犯、彊屍裝扮都有,大家可以跟朋友大玩小劇場。

旺角雲來客棧的裝潢別具心思,讓大家返回古代,玩味十足。

麻雀椰汁糕 ($88)
每件椰汁糕都由師傅人手畫上細緻的麻雀圖案,配上麻雀枱的佈置,驟眼看跟真的麻雀幾可亂真。椰汁糕味道偏甜,如果椰香味濃郁點會更好。

象棋牛奶凍 ($88)
牛奶凍以象棋形式呈現,新奇有趣,至適合相機食先。

由於麻雀椰汁糕和象棋奶凍都需要花時間製作,想食的話要耐心等候20分鐘左右~

芒果班戟燒賣 ($42)

芒果班戟變成燒賣,好趣致。略嫌芒果份量較少,入口幾乎只吃到忌廉,班戟皮亦不夠軟熟。

宇治芋圓豆花 ($42)

用上台灣製芋圓,芋圓有咬口但芋香味不太配出,可配上紅豆、小丸子、豆花和抹茶雪糕一同食。要留意,雪糕溶得比較快,想打卡的朋友要趁早食呀~

酸辣粉 ($36包一款餸菜,其他配料另加$6 - $10)

酸辣粉可自選辣度,有肥牛、雞翼、墨魚丸、豬紅等配料選擇。

花雕醉雞翼 ($36)、芝士無骨雞翼 ($36)

花雕雞翼醃得帶微澀味,而芝士無骨雞翼頗為香口嫩滑,內有半溶芝士。

下次去旺角食甜品又多個新選擇啦!

【旺角甜品2019】旺角古代客棧主題甜品店新開張 Cosplay扮還珠格格食麻雀椰汁糕/象棋奶凍/花雕醉雞翼

雲來客棧
地址:旺角彌敦道726號11樓全層
營業時間:星期一至日 12pm - 12mn
電話:5620 5597

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more