麥當勞都有secret menu!隱藏版海陸空漢堡/果醬麥香雞包

發佈: 2019.05.21
文: YY

網上經常流傳不同secret menu,最廣為人知的相信就是Starbucks,外國更有一網站專寫Starbucks的各種隱藏菜單。其實除了Starbucks外,網民亦為各大連鎖快餐店DIY了secret menu,之前就介紹過有網民於譚仔自創另類菜式,原來快餐店龍頭麥當勞都一樣有!今次就為大家介紹外國網民的麥當勞隱藏menu,有些在香港亦可實現,一齊睇睇啦~

 

1. 士多啤梨醬麥香雞包

早前人氣歌謠三明治登陸香港開Pop Up店,為大家帶來連韓國偶像團體BTS、Twice、Blackpink等都熱捧的三文治,其中三文治就加入士多啤梨果醬,味道酸甜清新。

士多啤梨醬加入三文治未必個個都like,但如果你試過喜歡的話,就要試試果醬麥香雞包。有外國麥當勞員工透露曾有顧客要求加士多啤梨醬落麥香雞包中,一開始員工都覺得奇怪,但在自己試過後就發現味道十分夾,一眾員工仲食極唔停!

香港的麥當勞就未必加到士多啤梨醬,不過大家可以試試用早晨全餐的提子果醬或者新地中的士多啤梨醬加落漢堡,另外M記亦已經沒有了麥香雞包,可以用芝蛋脆雞飽或脆辣雞腿包代替,可能有一樣神奇的效果~

 

2. 麥式可麗餅 McCrepe

相信鍾意食甜品的朋友都食過法式可麗餅(Crepe),可以加不同的配料,如水果、雪糕等。而外國網民就發現麥當勞的早餐一樣可以DIY可麗餅食!

【麥當勞菜單】麥當勞都有secret menu!隱藏版海陸空漢堡/果醬麥香雞包

只要單點熱香餅同乳酪芭菲(Parfait),然後再用熱香餅夾著芭菲的配料就可以了。香港的麥當勞雖然沒有芭菲,不過大家亦可試試加藍莓乳酪,或者等11點叫杯雪糕加埋食又得。

 

3. 蘋果批麥旋風 Pie McFlurry

其實以前香港的麥當勞就已經推出過新地蘋果趣,不過外國網民就將蘋果批雪糕再upgrade,將蘋果批放落麥旋風攪均,變為蘋果批麥旋風。

【麥當勞菜單】麥當勞都有secret menu!隱藏版海陸空漢堡/果醬麥香雞包

唔少網民試過都話正,去年澳洲麥當勞更推出這款甜品,不過唔駛羨慕,香港一樣可以自己DIY到!

 

4. 海陸空漢堡 Land, Sea & Air Burger

麥當勞又有魚柳包、巨無霸、脆辣雞脆包,每次去到都唔知食邊隻好。外國就有款十分有名的secret menu「海陸空漢堡」,一次過食到牛、雞同魚!

其實呢個海陸空漢堡只係分開單點芝士漢堡、脆辣雞腿包同魚柳包然後夾埋一齊,如果你鍾意仲可以叫多個豬柳強加入去添,不過個價錢就會同個包一樣咁可觀~

 

5. 雞無霸 Big McChicken

每次食Big Mac都覺得有太多塊包?如果你鍾意食炸雞就要試試呢個「雞無霸」,由網民就試過買一個巨無霸同兩個脆辣雞腿包,然後將巨無霸頭尾兩塊包換做炸雞,就同KFC的雙層雞扒軍艦(double down)一樣。

【麥當勞菜單】麥當勞都有secret menu!隱藏版海陸空漢堡/果醬麥香雞包

 

6. 炸魚薯條漢堡 Filet-O-Fish & Chips 

提到英國大家都會想起炸魚薯條Fish & Chips,而麥當勞就有平價版炸魚薯條漢堡,其實只要將薯條放入魚柳包,夾埋一齊食就得,亦有網民建議可以放薯餅,一樣咁好食!

【麥當勞菜單】麥當勞都有secret menu!隱藏版海陸空漢堡/果醬麥香雞包

 

其實外國麥當勞有很多特別的漢堡或小食,如果有機會去旅行,不妨到當地麥當勞看看!

資料來源:IG@casperscompanyEat This,Not That!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more