日本麥當勞又有新期間限定啦!今次推出的是香脆窩夫雪糕甜筒,並有4款雪糕口味供選擇,分別有杏仁朱古力醬加士多啤梨醬、杏仁朱古力醬、士多啤梨醬及原味,層次豐富,味道濃郁!各位喜愛食窩夫甜筒的日本旅人切勿錯過啦~
今次新期間限定的主角是充滿牛油香的鬆脆窩夫甜筒,並配上4款雪糕口味。
原味雪糕配窩夫甜筒售價150円(約HK$11)。
士多啤梨迷可選加了士多啤梨醬的雪糕配窩夫甜筒,售價200円(約HK$14)。士多啤梨醬內有粒粒果肉,頗足料~
至於朱古力迷當然有得食朱古力味雪糕啦!雪糕淋上濃郁的朱古力醬及杏仁碎粒,口感豐富,售價200円(約HK$14)。
同樣喜愛食朱古力及士多啤梨的朋友一定要試最豐富的杏仁朱古力醬加士多啤梨醬雪糕!售價230円(HK$16)。
日本麥當勞 - 窩夫雪糕甜筒
發售日期:2019年5月29日
圖片來源:日本麥當勞官網