薯片口味眾多，每隔幾個月又會有一個大品牌推出限定新口味。想留住粉絲就要經常搞搞新意思，不過韓國就有一款海鹽薯片十分受歡迎，推出了2年多都一直有不少捧場客，原因就在於其特別的「油漆桶」包裝。
這款油漆桶薯片其實源於西班牙一知名薯片品牌「Bonilla a la vista」，被喻為西班牙最好食的薯片，亦曾被外媒選為最健康零食之一。2016年一登陸韓國就被搶購一空，不少韓國女生都鍾意帶著大大桶「油漆」周圍打卡。
Bonilla的薯片採用有機薯仔製造，以橄欖油炸，再配上天然海鹽，比一般薯片健康。食過的網民都指比一般薯片沒那麼油膩，一次食成桶都得！
呢款薯片1桶(500克)要價17歐元(約150元港幣)，香港就未有得買，想要的朋友就可能要去韓國超市或西班牙門店買喇！
資料及圖片來源：Bonilla a la vista
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
