新一個月，又係時候mark低各大餐廳的至抵優惠，6月有不少餐廳都推出限時放題優惠，有任食甜品、Pizza、四川小菜等，另外亦有其他買一送一、$1優惠，今次一次過同大家分享9大優惠，唔想錯過的朋友就記得留意喇！
1. 挪威菜餐廳$10三文魚
這間來自北京的挪威菜主打三文魚，最近推出新張優惠，指定時間可以$10買到不同熟食小食。$10優惠更包括多款不同口味的脆皮三文魚，如麻辣、鹹蛋黃、麻婆豆腐等等，鍾意三文魚的朋友可以試試！
2. 銅鑼灣$99任食Pizza
銅鑼灣的Wildfire Pizzabar最近推出全新限時優惠，指定日子到分店可以$99享用1.5小時放題。可以任食各款指定薄餅、意粉及小食，更有汽水啤酒任飲，仲唔約埋一大班朋友去飲返杯聚聚～
3. 荃灣$78甜品放題
荃灣一間甜品店最近推出新優惠，限時一個月只要用$78就可以享用1小時甜品放題，可以任食窩夫、心太軟、刨冰等超過20款甜品，各款甜品都有多種口味，想食就記得留意時間喇！
4. $58原條烤魚
唔駛上深圳一樣可以食到平價烤魚！深水埗這間川菜小店推出新優惠，晚餐時段用$58就食到原條烤魚，更送一份煙韌薯粉，烤魚有麻辣、番茄等口味選擇。
5. $38任食四川小食
旺角的四川成都酸辣麵店新推出50分鐘小食放題，只要惠顧一碗麵和一杯飲品，即可用超值價$38任食10款人氣惹味小食！
6. $1熱沙煮咖啡
油麻地這間土耳其餐廳推出新優惠，食晚餐可以用$1試埋土耳其熱沙煮咖啡，預約更可玩埋咖啡占卜預測運程，想邊食邊玩的朋友仲唔去book位！
7. $98任食雞煲
旺角雞煲火鍋店最近慶祝開業2週年，推出火鍋放題優惠，指定時段用$98就可以任食雞煲式卜卜蜆煲。任食火鍋配料包括肥牛、羊肉卷、手工餃及丸類等逾60款，仲有汽水果汁任飲，想打邊爐的朋友可以考慮下。
8. 炑八$21特大魷魚
炑八韓烤將於6月進駐青衣城，為慶祝新店開幕，全線分店更會推出限時優惠，$21就食到特大魷魚，另外更有一系列全新韓牛及海鮮單點食品，仲唔約埋朋友一齊去食返餐韓燒！
9. 黑糖珍珠鮮奶買一送一
台灣過江龍「良辰吉時」推出限時優惠，一連9日兩款人氣飲品都有買一送一，包括招牌啵爆黑糖厚鮮奶和髒髒茶，未試過的朋友就要去飲下喇！
