沙田帝都酒店推泰式榴槤主題下午茶 　榴槤芝士撻／榴槤蛋糕／榴槤奶昔

夏日時分正是榴槤當造的季節，沙田帝都酒店便推出期間限定的榴槤主題下午茶，可以一次歎勻10款榴槤甜點和泰式風味鹹點。其中甜點不但賣相精美，款款味道都充滿香濃榴槤，鍾意食榴槤的朋友要把握時機去試試啦！

下午茶有10款鹹甜點，以三層架盛載，並包兩杯特飲。

5款甜點相當吸引：

特濃榴槤慕絲蛋糕，迷你榴槤外層以幼滑慕絲唧成，造型逼真，打卡一流！

半熟榴槤芝士撻，軟滑內餡是榴槤果蓉和忌廉芝士，味道香濃，撻皮鬆化。

榴槤燉蛋，滑溜燉蛋配上新鮮榴槤果蓉，入口啖啖香甜，面層是榴槤蓉和鮮奶打成的軟滑忌廉，甜而不膩，小編推介！

榴槤流心朱古力，薄脆的朱古力外層包著榴槤吉士醬，一咬開，吉士醬便湧出來，滿口都是榴槤的香濃味道。

迷你榴槤泡芙，金黃酥脆的泡芙中間夾住手工榴槤朱古力醬，還有泡芙上的爆炸糖，口感豐富，味道偏甜。

5款鹹點亦很有特色：

首選泰式海南雞軍艦，主廚將海南雞飯變成軍艦壽司，相當創意～

鮮蟹肉薯泥球伴泰式酸辣汁，薯泥球炸得香脆，內層嫩滑，食到啖啖鮮甜蟹肉。

一口冬蔭功鮮蝦雲吞，酸甜開胃

泰式沙爹伴脆米通

紅咖喱豬頸肉

下午茶還有兩杯特飲：

特濃榴槤奶昔

以新鮮榴槤肉和Movenpick雪糕打製而成，口感creammy，香味濃郁！推介大家要試～

香辣芒果梳打

「仲夏飄香」泰式榴槤下午茶

地址：香港沙田白鶴汀街8號帝都酒店1樓one+one café & bar

供應日期：2019年6月1日至7月31日

供應時間：星期一至日 15:15 - 17:15

價錢：$388兩位用 (包括兩杯特飲，可選特濃榴槤奶昔或香辣芒果梳打)

電話：2694 3869

＊另收加一服務費