深圳喜茶又有新搞作啦！今次深圳喜茶（HEYTEA）跟港人至愛的童年飲品阿華田聯乘合作，新推出一系列夏日期間限定的喜茶阿華田飲品和喜茶阿華田雪糕，分別有加入芝士奶蓋的阿華田波波冰、阿華田咖啡冰、阿華田脆筒，款款都好吸引～大家準備好北上深圳試新品未？
阿華田波波冰
一杯有齊阿華田鮮奶沙冰、阿華田醬和阿華田脆脆，入口有超香濃阿華田味！阿華田特飲內還有煙韌黑糖珍珠和濃稠鹹香的芝士奶蓋，令口感更豐富。
阿華田咖啡冰
阿華田加入咖啡，正好能中和阿華田的甜味。咖啡冰面層還灑滿阿華田脆脆，賣相好吸引，可以相機食先、打卡呃Like！
阿華田脆筒
阿華田雪糕配阿華田脆脆，食落雙重阿華田味，至適合甜品控！
售賣點：中國內地喜茶（香港及新加坡分店除外）
推出日期：2019年6月4日起
圖片來源：小紅書
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
