煙韌控注意！人氣網店「小正大福」最近於觀塘開設限定門市，於星期日開店售賣多款特色口味的手工大福。大福全部自家製，主打無油少甜無添加，有水果、養生和邪惡系列等。以後唔駛上網訂都食到喇！
這間人氣網店「小正大福」原本只接受Instagram訂購，最近於觀塘增設限定門市，每逢星期日營業。顧客可以現場購買大福，而且門市亦設立少量座位，讓大家可即刻品嚐大福～
每次開店會供應大概6款大福口味，店主會預先公布，想試的朋友就要留意店方Facebook或Instagram喇！
「小正大福」所提供的大福款式、口味夠多，好足料，而且全部都是自家製，主打無油少甜無添加！店主特意將口味分類，有水果、養生和邪惡系列等。
南瓜牛乳布丁大福($20)，用上無糖無油日本北海道南瓜蓉。
口感好煙韌～
芋頭牛乳布丁大福($20)，食到粒粒芋頭，牛乳布丁亦帶濃郁奶香。
宇治抹茶紅豆大福($20)，自家熬煮原粒紅豆再打成蓉，味道不會太甜。
士多啤梨味芝士蛋糕大福($23)，加入無添加的天然士多啤梨醬，再加牛油餅底，口感夠豐富！
柚子忌廉芝士大福($23)，期間限定口味，柚子軟滑忌廉芝士配上柚子啫喱，加入新鮮泰國金柚、天然柑桔乾，味道清新。
紫薯朱古力大福($20)，造型好可愛。
還有邪惡大福系列！
脆皮朱古力提子啫喱大福($23)
脆皮oreo芝士大福($23)，食到粒粒oreo碎！
朱古力五重奏大福($23)，朱古力迷必食～
用上valrhona 70%黑朱古力忌廉、85%黑朱古力碎粒，餡料更加入黑朱古力麥提莎，配上朱古力脆皮、朱古力脆脆、朱古力爆炸糖，口感有層次！
店主更提供免費羅漢果茶讓客人飲用，有助消滯解膩，好貼心～
小正大福實體店
營業時間：逢星期日下午3時至6時 (每星期時間請留意Facebook；售完即止)
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
