喜茶HEYTEA經常都會推出不同期間限定水果茶飲,早前推出的多肉粉荔及芝芝桃桃都相繼登陸香港,最近又推出「雪糕茶」,可以將芝士奶蓋轉為Dreyer's或茶王軟雪糕。上星期剛剛在內地推出阿華田系列,估唔到今星期就可以在香港喜茶飲到!
喜茶上星期官方宣佈推出阿華田系列特飲及雪糕,隔了數天就立刻在香港推出,今日開始就飲到喇!香港將會有阿華田系列的其中兩款——波波冰及脆筒。
阿華田波波冰 ($42)
阿華田鮮奶沙冰配上阿華田醬及煙韌黑糖珍珠,頂層的芝士奶蓋灑上滿滿阿華田脆脆,阿華田味超濃,口感豐富。
阿華田脆筒 ($19)
阿華田雪糕上灑上阿華田脆脆,雙重滋味,阿華田迷唔可以錯過!
除了阿華田系列外,喜茶最近亦有新優惠,可以將芝士奶蓋免費轉為Dreyer's雪糕,而芝芝水果茶系列更可選擇轉為茶王軟雪糕,新品芝芝桃桃即刻變雪糕桃桃~
另外MINI系列亦加推桃桃x四季春 ($49),可以一次飲到兩款人氣飲品!
想試的朋友要把握機會喇!