芫荽豉油後又一款調味料!台灣濃濃芫荽粉 包裝搞鬼扮抹茶

發佈: 2019.06.25
文: YY

今年有不少芫荽產品新推出,香港有芫荽腸粉、芫荽百力滋,其他地方又有芫荽雪糕、芫荽豉油,挑戰大家的味蕾。鍾意芫荽的朋友如果覺得以上幾款未夠喉,仲可以試埋台灣推出的芫荽粉及芫荽拌麵!

台灣「北斗香菜生產合作社」其實有早前就已推出一款芫荽粉 (台幣$280/樽;約港幣$70),包裝正中間印上「台式抹茶」4字,下面才用細字寫上「香菜粉」,擺明要玩「眼大睇過龍」的朋友。

【芫荽】芫荽豉油後又一款調味料!台灣濃濃芫荽粉 包裝搞鬼扮抹茶

官方推薦這款「台式抹茶」芫荽粉可以加在飯麵、小食,甚至甜品上,放在Pancake上驟眼看真的以為是抹茶粉~

除了芫荽粉外,北斗香菜生產合作社今年還推出了芫荽拌麵 (台幣$190-220/包;約港幣$48-55)。台灣拌麵相信大家都食唔少,今次一樣有經典的椒麻、油蔥等口味,不過就改以芫荽做麵,另外更附一包芫荽碎,芫荽控一定要試試!

芫荽粉及芫荽拌麵可以在網店買得到,不過暫時只在台灣當地配送,想要的朋友就可能要找人代購喇~

資料及圖片來源:FB@北斗香菜生產合作社-香菜先生

【芫荽】芫荽豉油後又一款調味料!台灣濃濃芫荽粉 包裝搞鬼扮抹茶

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more